Yoswa 3:8 - Mawu a Mulluku

⁸ Waalleelle allupa mukutho ayo enatukhulla nibokosi na echipangano wi yaphiya omuhinjeni wa Yordani, evollowe m'maaddini nave yiimelle museresere.”

Yoswa 3:8 ပူးပေါင်းရင်းမြစ်များ

Yoswa 3:17

Enthawi ettheeneeyo allupa mukutho ootukhulla nibokosi na echipangano na Apwiyanne yaari yiimenlle vawumma variyaririyari va muhinje wa Yordanoolle ophiyera athu attheene ellapuwalle.

Yoswa 3:3

yaalleella athu wi, “Moona nibokosi na echipangano na Apwiya Mullukwaanyu nitukhulliwe ni Alevi, allupa mukutho, mutimulle m'mapuroni mwanyu nave mwaathwareke.

Maliro 3:26

Tti waphaama waatiyerella Apwiya moovillella wi yoonihe ovullusa wiwa.

Nehemiya 13:28

Nave mmodda a anamwani aallopwana a Yoyada, mwaana a Eliyashibu mullupa mukutho muullupalli aari mukamwene a Sanibalati Muhoroni. Sika ekaambiiwa kamwiikarilleemi wi avenyewo o Yerusalemu.

Nehemiya 13:22

Nave kahaalamula Alevi wi eddeellihe weekhiiwa nave ewe wi ewehereke va millako wi nisungeke nllapo na Sabata wi nikhalleke naweella. Nyuwaano Mullukwaaka, upuwellanittho ddenndda, mukeerelle echifundo nave mukisunge moollikana ni echikondaanyu yuullupalli ni yoohisintheya.

2 Epilli 30:12

Nnatta na Mulluku naari va athu a o Yuda wi aavahe murima mmodda wi yeere nnddo mwene ni enduna ddaye alamulelleeye moollikana ni mawu a Apwiya.

2 Epilli 29:30

Vano mwene Hezekiya ni enduna ddaye yahaalamula Alevi wi yiipe machipo owaatitimiha Apwiya moollikana ni mawu a Davide ni namallotella Asafu. Vano yahiipa moohakallalla nave yaakokhora ellapella.

2 Epilli 29:27

Vaavo Hezekiya aalamula wi mukutho wooshellelliha ovelleelliwe va nikuwa. Nave mukutho wooshellelliha waambille ovelleelliwa, yahaambattho owiipella machipo Apwiya. Nave mapallapata ni ezida ddimodda dda Davide mwene a o Israele ddahiipiwattho.

2 Epilli 29:15

Alliwa yahaatthukumaniha abaliiwa nave yaaddeelliha weekhiiwa nave yaavollowa mu enyumba ya Apwiya moollikana ni mmo mwene alamulelleeye voothwarani mawu a Apwiya weelliha enyumbiiwa.

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Yoswa 3:7

Apwiya yaamulleella Yoswa wi, “Ddittheddene kinaaweereemi ollellonndda sika ddinaaweerihe Aisraele attheene okhalla ni murima wawuuvaha olemu wi weyaano ori muthu muullupalli. Nave eneerodduwella wi miyaano kiri ni weyaano wonanko mmo kakhallelleemi ni Mose.

Yoswa 3:9

Vano Yoswa ahaalleella athwaayo wi, “Waawoni wuno, mwiiwe nnddo Apwiya Mullukwaanyu enuulleelleewani.

2 Mamwene 2:6

Vatulli viwa Eliya aallota wa Elisha wi, “Pepaani khalla vaava vawi Apwiya aakiruma wi kiye o Yordani.” Koma Elisha aamulleella Eliyooyo wi, “Kinimallupella vamiitthoni va Apwiya ni va nyuwaano wi nguuhiyani Ata.” Sika athu eellaayo yaavirellella olendwiiwa.

Yoswa 4:11

Vano athu yaallapuwa muhinjooyo mwawaakuva. Allupa mukutho etukhullalle nibokosi na echipangano na Apwiya yahaahoollella athu attheenaalle.