Yoswa 3:5 - Mawu a Mulluku

⁵ Yoswa ahaalleella athu attheenaalle wi, “Muddeellihe kaambiiwa osiisello Apwiya enapaalla yeere ddoottikhiniha vamiitthoni vanyu.”

Yoswa 3:5 ပူးပေါင်းရင်းမြစ်များ

Yoswa 7:13

Venya, weellihe athu ollote wi ddeelliheni osiisello kaambiiwa miyaano Apwiya Mulluku a Aisraele, kineerewaalleella wi, ‘Nyu Aisraele, variyari vanyu vookhalla ddeko nndde kuulleelleemini wi ddoophwanella woonongiwa. Nyuwaano khemuwora ollipana ni adanaanyu ophiyera muvenyihallevo ddeko ddenndda.’

Levitiko 20:7

Sika vano muddeellihe nave mukhalle aweella vawi mi tti Apwiya Mullukwaanyu.

Yowele 2:16

Atthukumaniheni athu, alleelleni wi yiipatule. Atthukumaniheni awuulluvalla, anamwani ni akantchewa. Mulamule wi naari ootthellana wene ekhumemo muzipindani mwiwa.

1 Samuele 16:5

Samuele ahaakhulla wi, “Ee, kaweella waarera. Kaweella waaheraatthella mukutho Apwiya. Muddeellihe nave niye naheraatthi mukutho.” Samuele aamupatula Yese ni anaaye aallopwana nave aamwiithana wi yavelleellena mukutho.

Yohane 17:19

Nave ekaamba ya alliwaayo kinnaddeelliha meekhaaka wi kiivelleelle wa nyuwaano. Sika yaayottho yakhalle ooddeelliha ni wiivelleella wa nyuwaano mwawoona.

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Masalimo 86:10

vawi nyuwaano tti muullupalli, munneera ddeko ddoottikhiniha, nyeeneve sika Mulluku.

Yobu 1:5

Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

Yoswa 3:13

Allupa mukutho ootukhulla nibokosi na echipangano na Apwiya, Apwiya a ellapo yavatthi ettheene, yanyingalla maaddaayo, maaddi mattheene a muhinje wa Yordani oovenyera omwaako eneerohiya weeta nave eneerewiimella wonanko esiri.”

Numeri 11:8

Athu yaanaya yaatotaka manaayo, enaasilla apaalle waatthitta nave yaanawaapeya enaapanga buledi. Oddiva wiwa waari wonanko buledi awaapeyiwa m'makhurani.

Yoswa 3:4

Vano muneeroyidduwella ettilla yoophwanella oyithwara vawi ovenyera khalle wenko khamunaweellekewo. Muhinanaatamella nibokosi na echipanganonno koma nyuwaano murekamellane ni nibokosinno nikilomita nimodda.”

Yoswa 3:6

Osaka wene Yoswa ahaalleella allupa mukutho wi, “Tukhullani nibokosi na echipangano na Apwiya, mullapuwe, mwaahoollelle athwaayo.” Alliwaayo yaheera moollikana ni mmo Yoswa allotelleeye.

Masalimo 77:15

Ni nnatta nanyu namasiva, mwaawoopolla athwaanyu, edduullu dda Yakobo ni Yosefe.