Yoswa 2:6 - Mawu a Mulluku

⁶ Enthawi yeeyo aari aawellihalle vaddullu va enyumbaaye, aakhuneella ni miteekho.

Yoswa 2:6 ပူးပေါင်းရင်းမြစ်များ

Yakobo 2:25

Yaari emoddamoddave yeeyo ni Rahabu, huloolle. Aheeriwa oolungama vamiitthoni va Mulluku ekaamba ya mitteko ddaye, valle awakhenlleeye oorumiwa a o Israele nave aakavihera othawa vooyeellani ettilla emodda.

Aheberi 11:23

Ekaamba ya echikhulupililo, ayariwe Mose, makhollwaaye yaamuvittha miyeri miraru, emoonille wi ari oreera. Kheyaawooville ohiiwellella malamulo a Farao a o Iguputo.

Akolose 3:3

Vawi mookhwa nave okumaanyu woovittheya ni Khrisitu mwa Mulluku.

2 Samuele 17:19

Vano mwaara a muthoolle aakusa yookhuneella ayikhuneellana ehimeeyo, amwaaneyavo tirigu sika ehimeeyo kheyaadduwanyeya

Mateyu 24:17

Oyo ari vaatte ahiselliwe ni ovollowa mpa wi akuse ddeko ddaye.

Yeremiya 36:26

Vano mwene aamulamula Yerahamele mwaana a mwene, Seraya mwaana a Aziriele ni Shelemiya mwaana a Abideele wi yamphare namalembella Baruki ni namallotella Yeremiya. Koma Apwiya yaawiipittiha.

2 Mamwene 11:2

Koma Yehosheba mwaana aamutthiyana a mwene Yehoramu, murokoriye a Ahaziya aamukusa Yowashi mwaana a Ahaziya. Aamwiiya variyari va anamwani aallopwana a mwene ayo yaari vakhuviru wiiphiwa. Aamuhiya mu echipinda emodda yookona ya mu enyumba ya Apwiya ni oomullellaaye. Sika aamusunga mwaanooyo, omooviha Ataliya wawi khaawiiphiwe.

1 Mamwene 18:13

Ethiyo nyu apwiyaaka khemwiiwalle wi enthawi eyo Yezebele awiipheeye anamallotella a Apwiya kaawiipitthiha anamallotella 100, anamallotella 50 mu nirive nikhungu nave kaanaavaha yoocha ni maaddi oowirya wenko?

1 Mamwene 18:4

Nave mvo Yezebele awiiphaaye anamallotella a Apwiya, Obadiya aawiipitthiha anamallotella 100, 50 mu nikhungunna nave 50 mu nikhungunna aanaavaha yoocha ni maaddi wenko.

2 Samuele 11:2

Nllapo nimodda misikuwa, Davide aavenya vabedini vaye, aneeta vaddullu va enyumbaaye yoomwene. Ari vaddullumvo aamoona mutthiyana ahapaka. Mutthiyanooyo aari ooreera wunchichi.

Yoswa 2:8

Vano oozondaayo ehinakone, Rahabu aawella vaddullu va enyumbeeyo,

Deuteronomo 22:8

“Mwaamakaka enyumba yanaanweene, moonesese wi moomaka mwanampanda vaddullu waapheella embali ddittheddene dda epattho. Sika vaavo khemwiipiwa mullatu woomwiipha moohidduwella mmodda amora vaddullumvo, akhwa.

Eksodo 2:2

Mutthiyanooyo aakhalla ni erukullu nave amuyara mwaana aamullopwana. Oonilleeye wi mwaanooyo tti ooreera, aamwiipitthiha wa miyeri miraru.

Yoswa 2:5

Wuno evenyillewo misikuwa, millako dda muzindoolla ddiyaaka ni owalliwa. Nginadduwella nko yayiiwa koma mwaathwara mwawaakuva ttuuwaaphwanya.”

Yoswa 2:7

Athu oorumiwa ni mwenaayo ekhumalle m'muzindanimmo millako ddaawalliwa. Nave yaaya omisewuni yawaashaashaka athu oozondaayo yaphiya vadoko va muhinje wa Yordani.

Yoswa 6:25

Koma Yoswa aamuhiya ni okumi Rahabu mutthiyana ooraruwoolle ni abalaaye attheene vawi tti olliye awiipitthihalle oozonda alle Yoswa aarumalleeye wi yazonde muzinda wa Yeriko. Edduullu dda Rahabu ddookhallavove variyari va Aisraele ophiyera ollello.