Yoswa 2:4 - Mawu a Mulluku

⁴ Koma enthawi yeeyo mutthiyana aari aakusalle athu eellaayo aavittha, sika aawaakhulla wi, “Ddawoona onyumbani waka wuno waawa athu amodda koma nginadduwella nko yavenyeriiwawo.

Yoswa 2:4 ပူးပေါင်းရင်းမြစ်များ

2 Mamwene 6:19

Nave Elisha ahaalleella akhotwaayo wi, “Ettilla khe yeella nave muzinda khe yoollattho. Kithwareni, kineerewuuphiyihani wa muthu munamwaasheenyu.” Sika Elisha ahaahoollella oya o Samariya.

Eksodo 1:19

Azambaalle yaamwaakhulla wi, “Atthiyana a Eheberi khenaphwanaphwana ni atthiyana a Aiguputo. Atthiyana a Eheberi tti amasiva vawi muzamba ahinaphiye, alliwa enakhalla emuyarille mwaana khalle.”

Yakobo 2:25

Yaari emoddamoddave yeeyo ni Rahabu, huloolle. Aheeriwa oolungama vamiitthoni va Mulluku ekaamba ya mitteko ddaye, valle awakhenlleeye oorumiwa a o Israele nave aakavihera othawa vooyeellani ettilla emodda.

Yoswa 2:3

Sika mwenooyo ahaaruma athu wa Rahabu yamulleella wi, “Athu ayo eri mpa mwawaayo eweelle ozonda ellapo ettheeneella, vano akhumihe.”

Yoswa 2:5

Wuno evenyillewo misikuwa, millako dda muzindoolla ddiyaaka ni owalliwa. Nginadduwella nko yayiiwa koma mwaathwara mwawaakuva ttuuwaaphwanya.”

Yoswa 6:17

Muzindoolla ni ddittheddene ddiri mwemmo muddoononge wi ddikhalle wonanko mukutho woovelleella wa Apwiya. Koma Rahabuve mutthiyana ooraruwoolle ni attheene a mpa mwaye mwaasunge vawi aawiipitthiha oozondaalle.

Yoswa 6:25

Koma Yoswa aamuhiya ni okumi Rahabu mutthiyana ooraruwoolle ni abalaaye attheene vawi tti olliye awiipitthihalle oozonda alle Yoswa aarumalleeye wi yazonde muzinda wa Yeriko. Edduullu dda Rahabu ddookhallavove variyari va Aisraele ophiyera ollello.