Yoswa 2:1 - Mawu a Mulluku

¹ Vano Yoswa, mwaana a Nuni, ahaaruma athu eelli wi yazonde mwawiipittheya ovenyera omisasani dda Shitimu, aalangiza wi, “Khaweni mwayizonde ellapweeyo, makamaka mwazonde muzinda wa Yeriko.” Sika athu oozondaayo yaayaawo yaphiya o enyumba ya hule nnddina naye Rahabu, yakona wenko.

Yoswa 2:1 ပူးပေါင်းရင်းမြစ်များ

Aheberi 11:31

Ekaamba ya echikhulupililo, Rahabu, hule khaawiiphiwe vamodda ni athu oohiiwellellaalle vawi aawaakhella phaama owaniwa Aisraele ayo yawiille wi ezonde muzindooyo.

Yakobo 2:25

Yaari emoddamoddave yeeyo ni Rahabu, huloolle. Aheeriwa oolungama vamiitthoni va Mulluku ekaamba ya mitteko ddaye, valle awakhenlleeye oorumiwa a o Israele nave aakavihera othawa vooyeellani ettilla emodda.

Mateyu 1:5

Salimoni aamuyara Bowazi ovenyera mwa mwaariye Rahabu; Bowazi aamuyara Obedi ovenyera mwa mwaariye Rute; Obedi aamuyara Yese;

Numeri 25:1

Aisraele eri o Shitimu, allopwana yahaamba oraruwa ni atthiyana a o Mowabu.

Aefeso 5:5

Vawi mudduwelle wi khaavo muthu ooraruwa, aweera yooripiha apaalle anrima (vawi nrima niri wonanko ollapella mafano) anaakhellena omwene wa Khrisitu ni wa Mulluku.

Mateyu 10:16

“Kinuurumihani wonanko enkhosa variyari va enama ddawoopiha. Vano muchenjereke wonanko enowa nave mumaalleyeke wonanko ekhunda.

Yoswa 3:1

Osaka wene ohinase Yoswa aatimulla olliye ni Aisraele attheene ekhuma m'misasani dda Shitimu eya o Yordani nave yaakona wenko.

Numeri 13:2

“Arume athu wi yazonde ellapo ya Kanani eyo kinaavaheemi Aisraele. Nirive nlloko omutthoolle mmodda mwa oohoollella a nllokonno.”

Oweeruza 18:17

Vano athu atthanu ayo yaari ezondille ellapweeyo yaavollowa mpammo ekusamo efodi, mafano oosema ni a mikoko ni mafano mamodda ooromolliwa terafimu. Enthawi yeeyo mullupa mukuthoolle aari iimenlle va mullako ni akhoto 600 ookhalla ni ezida ddakhotwaalle.

Oweeruza 18:2

Sika athu a nlloko na Danaayo yahaaruma athu atthanu oollipa murima, ootthoolliwa mwa mabanja mattheene wi yazonde ellapo. Athwaayo yavenyenre o etawoni ya Zora ni ya Eshitaoli. Athwaayo yahaalleella wi, “Khaweni mwazonde ellapweeyo.” Alliwaayo yaaphiya o ellapo yamiyaango ya Efuremu o enyumba ya Mika, ekona wenko.

Yoswa 5:10

Aisraele yaariiwa m'misasani yaaneera Ehakallallo ya Paska o Giligala mu ntapo na Yeriko, misikuwa va nllapo naneekhumi ni sese mweeri wawaamba.

Numeri 33:49

Yaatthipella misasa ddiwa vakhuviru ni muhinje wa Yordani waambeella o Beteyeshimoti ophiya o Abele Shitimu, mu matapo a o Mowabu.

Yoswa 21:31

Helekati ni mapuro oochihellamo eziweto ni Rehobu ni mapuro oochihellamo eziweto, mizinda misese.

Oweeruza 18:14

Vano athu atthanu ayo yayiille yazondaka ellapo ya Laishaalle yahaakoha abaliiwaayo wi, “Ethiyo munnadduwella wi emodda mwa enyumba ddenndda mookhalla efodi,* mafano oosema amikoko ni mafano mamodda ooromolliwa terafimu? Vano ganizerani yawi mweere.”

Yoswa 1:18

Arive muthu anaawukile mawaanyu apaalle ohiwiiwellella malamulwaanyu, aneerewiiphiwa. Nyuwaano khallani ni amasiva ni oollipa murima wunchichi.”

Yoswa 2:2

Mwene a muzinda wa Yerikooyo ahiiwa wi Aisraele amodda aaphiya m'muzindanimmo mahiiyu wi ezonde ellapweeyo.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”

Genesis 42:9

Nave ahuupuwella mmo allohelleeye dda alliwaayo nave aallota ni asinnaayo wi, “Nyuwaano tti oozonda. Muweelle wi moone mmo efookelle ellapwaahwiilla.”

Genesis 42:16

Murumeni mmodda mwa nyuwaano wi aye amukuse. Amodda attheene oohallanyu munaawallelliwe mundendeni ophiyera mawaanywaalla esimikizelliwe, noone mwaarimi mullotaka ddawoona. Olephela mvo, kinimallupella mu okumi wa Farao, nyuwaano tti oozonda.”

Numeri 13:1

Apwiya yaamulleella Mose wi,

Oweeruza 1:23

Yahaaruma athu wi yazonde muzinda wa Betele, (oyo khalle waromolliwa wi Luzi).