Yoswa 17:2 - Mawu a Mulluku

² Athu oohalla a nlloko na Manase ayo yavahiwe yoohallaniiwa moollikana ni mabanjiiwa yaari Abiyezere, Heleki, Asiriele, Shekemu, Hefere ni Shemida. Yaalla sika edduullu dda Manase, mwaana a Yosefe moollikana ni mabanjiiwa.

Yoswa 17:2 ပူးပေါင်းရင်းမြစ်များ

1 Epilli 7:18

Hamoleketi, murokoriye a Giliyadi ahaayara Ishihodi, Abiyezere ni Mala.

Oweeruza 8:2

Olliye aawaakhulla wi, “Keerille tini voophwanaphwanihani ni nnddo mweerilleenyu? Ethiyo mweerille nyu Aefuremu kheddihiyo dduullupalli okhwaranya nnddo yeerille a nlloko na Abiyezere?

Oweeruza 6:11

Nllapo nimodda mungelo a Apwiya aawa o etawoni ya Ofura akeraatthi vatthi va muteekho wa muthundu oyo waari wa Yowashi, Mwabiyezere. Enthawi yeeyo Gideoni, mwanaye, aari amuuputhaka tirigu, iipitthalle moovotellamo mpesa owiipitthihella Amidiyanaayo.

Yoswa 17:1

Echigawo emodda ya ellapweeyo yaavahiwa wa Manase oyo aari mwaana awaamba a Yosefe. Makiri, nikhollo na athu ookhalla o Giliyadi sika aari mwaana awaamba a Manase. Makiri aarittho akhoto wawi ezigawo dda Giliyadi ni Bashani ddaavahiwa wa olliye.

Yoswa 17:3

Vano Zelofehadi, mwaana a Hefere, mwaana a Giliyadi, mwaana a Makiri, mwaana a Manase, khaarina mwaana aamullopwana koma aatthiyanave. Manddina a anamwanaayo tti Mala, Nowa, Hogola, Milika ni Tiriza.