Yoswa 16:7 - Mawu a Mulluku

⁷ Vano ovenyera o Yanowa, yaakitthella o Ataroti ni o Naara. Yaaphiya o Yeriko yakomella mu Yordani.

Yoswa 16:7 ပူးပေါင်းရင်းမြစ်များ

1 Epilli 7:28

Nave echigawo nko yakhalliiwa yaari ovenyera o Betele ophiya o Naarani wookhuma nndduwa, ni Gezere woovollowa nndduwa vamodda ni mizi ddiwa. Yaaphiyattho o Shekemu ni o Aya vamodda ni mizi ddiwa

Yoswa 6:26

Enthawi yeeyo Yoswa aallupella mowaatembelela wi, “Arive muthu oyo anaamakettho muzinda wa Yeriko atembeleliwa. Arive muthu oyo anaamake matthipellellwaaye, mwanaye awaamba aneerokhwa. Arive muthu anaamake millako ddaye, ethwakwaaye eneerokhwa.”

Yoswa 6:1

Muzinda wa Yeriko waari woowalla millako ddiwa ddittheddene wi Aisraele ehivollowe. Khaarivo ookhuma naari oovollowa m'muzindanimmo.

Yoswa 3:16

maaddi mattheene yahiimella ehineeta. Maaddi a omwaako yahuukaana wonanko esiri yoorekama ovenyera o Adama vakhuviru ni muzinda wa Zaretani. Maaddi ooya mu enyanja ya Araba eyo yeeriwa Enyanja Yookhwa yaawelleella nave athu yaallapuwella ekhopella emodda vakhuviru ni muzinda wa Yeriko.

Numeri 33:48

Etimullalle o Abarimu yaatthipella misasa ddiwa o matapo a o Mowabu vakhuviru ni muhinje wa Yordani o Yeriko.

Yoswa 16:6

Ovenyera wenko maliriiwa yaakitthella o enyanja. Nave ompoto wiwa waakhalla Mikimetati. Malire a wookhuma nndduwa yaakhoromanella o Taanatishilo ekhwaranya mapuro yaayo yaphiya wookhuma nndduwa wa Yanowa.