Yoswa 13:3 - Mawu a Mulluku

³ (ellapo yeella yaambeelle omuhinjeni wa Shihori wookhuma nndduwa wa Iguputo ophiyera omalireni wa Ekeroni ompoto. Ellapo ettheeneeyo yaari m'mattani mwa Akanani. Oolamulella ellapo ya Afilisti akhalla o Gaza, o Ashidodi, o Ashikeloni, o Gati ni o Ekeroni) ni ellapo ya Avimu,

Yoswa 13:3 ပူးပေါင်းရင်းမြစ်များ

Yeremiya 2:18

Munaaphurevo tini mwaya o Iguputo, woowirya maaddi a mu Nailo? Munaaphurevo tini mwaya o Asiriya, woowirya maaddi a mu Yufurate?

Oweeruza 3:3

Millokonnddo tti mamwene matthanu a Afilisti, Akanani attheene, Asidoni attheene ni Ahivi ookhalla m'miyaangoni dda Lebanoni, waambeella omwaangoni wa Baala Heremoni ophiya o mpata wa Hamati.

Deuteronomo 2:23

Avimu yakhalla m'mizi ddittheddene ophiya o Gaza koma ellapwiiwa yahaakhiwa ni athu oovenyera o echilumba ya Kafitori ayo yakeraattheye wenko ewoonongille Avimwaayo.)

1 Samuele 6:4

Nave yaakoha wi, “Ethiyo mukutho wookhululukella ddoochimooyo okhalle wawiidde?” Alliwa yahaakhulla wi, “Okhalle maphwanaphwaniho a golide a etthuku dditthanu ni amuthoro atthanu, moophwanaphwana ni mamwene a Afilisti. Vawi mullilli yoolla waari va nyuwaano nave va mamwenaanyu.

Yoswa 13:13

Koma Aisraele kheyaawiikarihalle Ageshuri ni Amaakati, alliwa enakhalla variyari va Aisraele ophiyera ollello.

Genesis 10:6

Anamwani a Hamu yaari Kushi, Iguputo, Puti ni Kanani.

Oweeruza 16:5

Anamwani aallopwana a mamwene a Afilisti yaawa wa mutthiyanooyo emulleella wi, “Omunyengelele mullopwanoolla, woone mvo vinavenyera masivaaye awoopihaalla navettho mmo ninaaworelleehu omugonjiha wi nimmake nave nimugonjihe. Nave arive muthu a hiyaano aneerewuuvaha makobiri manchichi.”

1 Samuele 5:1

Afilisti yaakhilliiwa nibokosi na echipanganonno, yaanitukhulla ovenyera o Ebenezeri ophiyana o Ashidodi.

1 Mamwene 8:65

Sika enthawi yeeyo Solomoni aakeraatthiha ehakallallo vamodda ni Aisraele attheene. Waari mutthukumano muullupalli ovenyera woovollowella wa Hamati ophiya o ntapo na Iguputo. Ehakallallweella yaari yowaatitimiha Apwiya Mullukwaahu mallapo matthanu ni meelli.

Yesaya 23:3

Mphurwaanyu waari tirigu a o Shihore, ddoohata dda o Nailo nave mwaaneera malonda ni athu a mitundu ddittheddene.

Genesis 15:18

Nllapo nenno Apwiya yaapangana ni Abramu. Yaallota wi, “Kinimalonjeza wi kineeroddivaha edduullu ddawo ellapo ettheeneella ovenyera o muhinje wa o Iguputo ophiyera o muhinje muullupalli wa Yufurate.

1 Samuele 5:8

Vano yaawiithaniha mamwene mattheene matthanu a Afilisti yaakoha wi, “Neerena tini nibokosi na echipangano na Apwiya a Aisraele?” Athwaayo yahaakhulla wi, “Nibokosi nenna ninirumihe o Gati.” Vano yaarumiha nibokosi na echipanganonno wenko.

1 Samuele 5:10

Vano yaarumiha nibokosi na echipanganonno o Ekeroni koma naphiyiiwa o Ekeroni athu a wenko yahinlla wi, “Aaniwiihella nibokosi na echipangano na Mulluku a Aisraele wi aniiphihe hiyaano ni aniihu.”

1 Epilli 13:5

Sika Davide ahaatthukumaniha Aisraele attheene ovenyera o muhinje wa Shihori o Iguputo ophiya o mullako wa Hamati wi eweena nibokosi na echipangano na Mulluku ovenyera o Kiriyati Yearimu.