Yoswa 11:9 - Mawu a Mulluku

⁹ Yoswa aheera nnddo Apwiya yalamulalliiwa. Yahaaphoriiha akavalo attheene, ewoosa magareta.

Yoswa 11:9 ပူးပေါင်းရင်းမြစ်များ

Yoswa 11:6

Apwiya yaamulleella Yoswa wi, “Ohinawoova yaayo. Osiisello enthawi wonanko yeella, attheene eneerewiiphiwa vamiitthoni va Aisraele. Akavalwiiwa mwaaphoriihe nave muwoose magaretiiwa.”

Genesis 49:6

Ngiwa kiiwanana ni ddoollota ddiwa ddavakhwipi, naari va mitthukumano ddiwa, ngiwa kaattanana, kaambiiwa yaawiipha athu moosha murima, nave yahaaphoriiha anankhoro a eng'ombe mwa ekuku, nave yahaatthattusa yoottheellana.

2 Samuele 8:4

Nave Davide aamwaakha magareta 1,000, athu oowella va akavalo 1,700 ni akhoto aweeta vatthi 20,000. Eerille ddiiddo, Davide aaphadda misempha ddam'metoni dda akavalo koma ahaahiya akavalo ookwakhwanella magareta 100.

Nahumu 2:13

Apwiya Amasiva Mattheene enaalleella a o Ninive wi, “Mi nginawaakhullellani, kineerowoosellani magaretaanyu. Nsupada nineerowonongellani akhotwaanyu ayo tti wonanko mikango. Kineerowaakhani ddittheddene nnddo mwaakhilleenyu va ellapo yavatthi, amithengaanyu khewa yiiweyattho mawu.”

Masalimo 46:10

“Khurumuwani, dduwellani wi miyaano tti Mulluku. Mitundu dda athu ddinnakititimiha, a ellapo yavatthi ennakititimiha.”