Yoswa 11:4 - Mawu a Mulluku

⁴ Mamwenaayo yaawa ni akhotwiiwa attheene nave waata wiwa wa akhotwaayo waari wonanko mihava dda mukhwipi mwa enyanja. Yaakhalla ni akavalo ni magareta manchichi.

Yoswa 11:4 ပူးပေါင်းရင်းမြစ်များ

Oweeruza 7:12

Amidiyani ni Aamaleke ni athu oovenyera wookhuma nndduwa yaaddalla mutapo mutthemwene wonanko nazombe ekaamba ya waata wiwa. Nave ekamira* ddiwa ddaari ddawaata wonanko mihava dda mukhwipi mwa enyanja.

1 Samuele 13:5

Vano Afilisti yaatthukumana wi ewaneke ni Aisraele. Yahaatthukumaniha magareta akhoto 30,000, oowella va akavalo 6,000 ni akhoto awaata wonanko mihava dda mukhwipi mwa enyanja. Yaaya yamakaka misasa ddiwa o Mikimashi, wookhuma nndduwa wa Betaveni.

Genesis 32:12

Upuwellani lonjezo nanyunne nawi, ‘Kineerewuupwatha wi ddeko ddiweetelle phaama nave kineerewuuvaha edduullu ddinchichi ddooheerengeya. Ddinaakhalle ddinchichi wonanko mihava dda mukhwipi mwa enyanja.’ ”

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

1 Mamwene 4:20

Athu a o Yuda ni a o Israele yaari anchichi, ooheerengeya wonanko mihava dda mukhwipi mwa enyanja. Yaanacha ni owirya navettho yaanahakallalla.

2 Samuele 17:11

“Mi malangizo kiriimina tti awi, Aisraele attheene etthukumane wa nyuwaano wuno, waambeella o Dani ophiya o Beeresheba, ekhalle awaata wonanko mihava dda mu enyanja. Nave nyuwaano nyookhaanyu mwaakuse muyeena okhotoni.

Yoswa 11:5

Mamwene mattheenaalla yaatthukumana vamodda, etthipella misasa omuhinjeni wa Meromu wi ewane ni Aisraele.

Masalimo 20:8

Adani eneerotthomowa emore, koma hiyaano nineerovenya niimelle.