Yoswa 10:3 - Mawu a Mulluku

³ Sika Adonizedeki aarumiha othenga wa Hohamu mwene a o Hebroni, wa Piramu mwene a o Yaramuti, wa Yafiya mwene a o Lakishi ni wa Debiri mwene a o Egiloni wi,

Yoswa 10:3 ပူးပေါင်းရင်းမြစ်များ

Mika 1:13

Sika nyu a o Lakishi, amakellelleni akavalo o magareta. Mwaattakihera machimo a o Israele, sika mwahaachimwiha athu a o Ziyoni.

2 Epilli 11:9

Adoraimu, Lakishi, Azeka,

2 Mamwene 18:17

Komave mwene a o Asiriya aaruma enduna yuullupalli, akhoto muullupalli, kazembe ni mulloko wa akhoto muullupalli wa mwene Hezekiya o Yerusalemu ovenyera o Lakishi. Alliwa yaaya o Yerusalemu nave yahiimella vakhuviru ni engalande yamaaddi yoovenyera o nthiya na Omwaako, vamusewuni muullupalli wooya o emata ya Muthu Eeruso Yaweelliha Ekuwo.

2 Mamwene 18:14

Nave Hezekiya, mwene a o Yuda, aarumiha mawu o Lakishi wa mwene a o Asiriya awi, “Mi kaalakwa, kihiyeni. Erive ello munaalloteenyu kineereweera.” Sika mwene a o Asiriya aamulamula Hezekiya mwene a o Yuda wi avelleelleke makilogramu a siliva 3,000 ni makilogramu a golide 1,000.

2 Samuele 2:11

Vano Davide aakhalla a nlloko na Yuda o etawoni ya Hebroni vakhuviru miyakha mitthanu ni miilli ni miyeri mitthanu ni mmodda.

Yoswa 18:28

Zela, Haelefe, Yebusi (sika wi Yerusalemu), Gibea ni Kiriyati Yearimu, mizinda khumi ni misese ni matawoniiwa. Ella tti yoohallaniiwa ya nlloko na Benjamini moollikana ni mabanjiiwa.

Yoswa 15:63

Koma athu a nlloko na Yuda kheyaawonre owiikariha Ayebusi, aneetthi a Yerusalemu. Nave ophiyera ollello Ayebusaayo enakhalla o Yerusalemu ni athu a nlloko na Yuda.

Yoswa 15:54

Humata, Kiriyati Ariba (sika wi Hebroni) Ziyori. Ddittheddene vamodda ddaari mitthanu ni misese ni matawoni oowaapheella.

Yoswa 14:15

Ddihineereye nndda Hebroni aromolliwa wi Kiriyati Araba. Araba aari muthu oovuwa wunchichi variyari va Aanaki. Vatulli viwa ellapo ettheeneeyo yahiithuuwa o ekhoto.

Yoswa 10:5

Mamwene matthanu a Aamori monga mwene a o Yerusalemu, mwene a o Hebroni, mwene a o Yaramuti, mwene a o Lakishi navettho mwene a o Egiloni, yaatthukumana eya ni akhotwiiwa yaapheella muzinda wa Gibiyoni ewanana.

Yoswa 10:1

Adonizedeki, mwene a o Yerusalemu iiwalleeye wi Yoswa ohaagonjiha athu a m'muzindani wa Ai nave wi ohoononga muzindooyo ni mweneene wonanko mmo eerelleeye ni muzinda wa Yeriko ni mweniiwa navettho wi athu a o Gibiyoni aapangana dda murendelle ni Aisraele enakhalla ni alliwa,

Numeri 13:22

Vawaamba yaweelle ettilla yoomwera yaphiya o Hebroni nko wakhalla Ahimani, Sheshai ni Talimai, edduullu dda Anaki. (Muzinda wa Hebroni wamakiwe miyakha mitthanu ni miilli muzinda wa Zowani o Iguputo ohinamakiwe).

Genesis 37:14

Attiitthinnya yaamulleella wi, “Khawe wawoone asinno ni eziweto ddene yaarimi eri phaama, weera ddiiddo owe okilleelle.” Sika attiitthinnya yaamuruma Yosefe ovenyera o ntapo na Hebroni. Yosefe aphiyalle o Shekemu,

Genesis 23:2

nave akhwenlle o Kiriyati Ariba (sika wi Hebroni) mu ellapo ya Kanani. Abrahamu aaya wenko iinlla maliro a Sarooyo.

Yoswa 10:23

Sika yaheera ddennddo, yaakhumiha mamwene matthanwaalle munikhunguni, mwene a o Yerusalemu, a o Hebroni, a o Yaramuti, a o Lakishi ni a o Egiloni.

Yeremiya 34:7

Enthawi yeeyo sika mulloko wakhoto wa mwene a o Babiloni waari ohellaka ekhoto Yerusalemu ni mizinda ddoohalla dda o Yuda, Lakishi ni Azeka.

Yoswa 10:34

Ddimanlle nndda Yoswa ni akhotwaaye yaavenyawo o Lakishi yaphiya o Egiloni. Yahaapheella muzinda wa Egilonooyo nave yaawuhella ekhoto.