Yoswa 1:8 - Mawu a Mulluku

⁸ Weerengeke nibukhu namalamulonna nave otthaana ni mahiiyu opwatheke ddoolembiwa mwemmo wi oddisunge ddittheddene. Vano waaweeraka ddiiddo oneerokhalla phaama nave oneeropambana.

Yoswa 1:8 ပူးပေါင်းရင်းမြစ်များ

Masalimo 119:15

Kineeroganiza dda malamulwaanyu, kineeropwatha ettilla ddanyu.

Masalimo 19:14

Mawaaka ni maganizwaaka yaakhullelleye vamiitthoni vanyu, nyu Apwiya, nlluku naka ni oovullusaaka.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Miyambo 3:1

Mwanaka, ohinatiwalla malangizwaaka, osungeke malamulwaaka m'murimani mwawo.

Deuteronomo 29:9

Sika musungeke mawu mattheene a echipanganwaalla wi ddeko ddanyu ddittheddene ddiweetellekeni phaama.

Yohane 14:21

“Ayo enaakhullella malamulwaaka ni waathwara, sika enakikonda miyaano. Attiitthaaka eneerewaakonda ayo enakikonda miyaano. Nameenettho kineerewaakonda yaayo ni odduupullulla meekhaaka wa alliwaayo.”

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

Mateyu 7:24

“Vano arive muthu oyo aniiwa ni weera mawaaka anaphwanaphwana ni muthu eezeru oyo aamakille enyumbaaye vanllukuni.

Masalimo 119:11

Kohaasunga mawaanyu m'murimani mwaka wi kihuuchimwelleni.

Masalimo 119:97

Kinnakonda malamulwaanyu wunchichi, kinnaaganizera nllapo nittheene.

Mateyu 7:21

“Khe arive muthu anakiithana wi, ‘Apwiya, Apwiya’ anaavollowe mu omwene wa Mulluku. Vawi weera ddiiddo khonakwakhwanella koma ayo eneera ddoopaalla dda Attiitthaaka ooddullu sika enaavollowe.

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Yoswa 1:7

Komathi khalla amasiva ni oollipa murima wunchichi. Ochenjere wi wiiwellelleke malamulo mattheene ayo Mose oorumeyellaaka uulleelleeye. Oohirukunuwella onnattanatta apaalle wuunyotthoni wi orive weko onaayeekeewe ddiweetelleke phaama.

Deuteronomo 30:14

Koma Othenga wa Mulluku murina vaava vawi ori muwano mwanyu ni m'murimani mwanyu wi ttuuwora owuthwara.

Deuteronomo 5:29

Kinapaalla wi eganizeke ddennddo mallapo mattheene wi ekooveke enthawi ddittheddene nave wi yiiwellelleke malamulwaaka wi ddeko ddiweetelleke phaama alliwa ni edduullu ddiwa wa enthawi yoohimalla!

Masalimo 119:99

Kinniiwesesa waakhwaranya ahuddihaka attheene, vawi kinnaganizera dda malamulwaanyu.

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

Deuteronomo 5:32

“Nyu Aisraele muchenjere wi mweereke nnddo Apwiya Mullukwaanyu yuulamulalliiwani, oohirukunuwella onnattanatta apaalle wuunyotthoni.

Deuteronomo 31:11

Mweerengeke lamulonna wa Aisraele attheene yaawa wi ellapelle va nipuro nno Apwiya enaatthoolliiwa weekhiiwa.

Aefeso 4:29

Muwano mwanyu muhikhumeke mawu oonanara koma mawu aphaamave wi mwaallipiheke athu amodda oopaalleya ollipihiwa. Sika wi mawaanyu ekhalleke aphaama wa athu awiiwa mawaayo.

Mateyu 12:35

Muthu aphaama anakhumiha ddeko ddaphaama ovenyera m'murimani mwaye, emoddamoddave yeeyo muthu oonanara anakhumiha ddeko ddoonanara ovenyera m'murimani mwaye.

Masalimo 40:10

Ngaavitthalle m'murimani mwaka dda oolungama wanyu, kaallota dda ororomelleya wanyu ni dda ovullusa wanyu. Va mutthukumano muullupalli ngaavitthalle dda echikondaanyu yoohisintheya ni dda ororomelleya wanyu.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

Genesis 24:63

Nllapo nimodda misikuwa, Isakooyo eeteetaka ohakani, ahoona ekamira ddiwaaka.

Deuteronomo 31:24

Vano Mose aamalliha olemba malamulo a Mulluku oohihiyavo ello.

Yoswa 8:34

Vano Yoswa aaweerenga mawu mattheene a malamulo, madaliso ni matembelelo, moollikana ni mmo ddalembeliwe mu malamulo a Mose.

Deuteronomo 5:1

Mose ahaatthukumaniha Aisraele attheene aalleella wi, “Nyu Aisraele, iwellellani malamulo ni malangizo mattheene kinuulleelleemini ollello. Mwaahuddere nave moonesese wi munnaasunga.

Deuteronomo 29:8

Nahaakha ellapwiiwa nave naayikawella variyari va malloko a Rubeni ni Gadi owaaka hafu a nlloko na Manase wi ekhalle wonanko yoohallaniiwa.

2 Epilli 26:5

Ahiivelleella wa Mulluku m'mallapo a Zekariya oyo amulangiza ddawaatitimiha Apwiya. Vawi aanaallapella Apwiya Mulluku, yaanamudalisa.