Yoswa 1:7 - Mawu a Mulluku

⁷ Komathi khalla amasiva ni oollipa murima wunchichi. Ochenjere wi wiiwellelleke malamulo mattheene ayo Mose oorumeyellaaka uulleelleeye. Oohirukunuwella onnattanatta apaalle wuunyotthoni wi orive weko onaayeekeewe ddiweetelleke phaama.

Yoswa 1:7 ပူးပေါင်းရင်းမြစ်များ

1 Epilli 22:13

Vano wiiwellella malamulo ni malangizo mattheene Apwiya yamulamulalliiwa Mose wi aalleelle Aisraele oneeropambana. Llipa murima, ohoove navettho ohikhupanyeke.

Deuteronomo 5:32

“Nyu Aisraele muchenjere wi mweereke nnddo Apwiya Mullukwaanyu yuulamulalliiwani, oohirukunuwella onnattanatta apaalle wuunyotthoni.

Yoswa 1:8

Weerengeke nibukhu namalamulonna nave otthaana ni mahiiyu opwatheke ddoolembiwa mwemmo wi oddisunge ddittheddene. Vano waaweeraka ddiiddo oneerokhalla phaama nave oneeropambana.

Miyambo 4:27

Ohihapuwelle o nnattanatta apaalle wuunyotthoni, susa nnyallo nawo ohiya ddoonanara.

Yoswa 11:15

Moollikana ni mmo Apwiya yamulamulalliiwa oorumeyelliiwa Mose, tti mwemmo Mose amulamulelleeye Yoswa nave aheera ddittheddene Apwiya yamulamulalliiwa Mose oohihiyavo naari mawu mamodda.

Deuteronomo 12:32

Moonesese wi mweere ddittheddene kinuulamuleemininndda nave muhoonjererevo apaalle ovukullavo ello.”

Deuteronomo 31:7

Vano Mose aamwiithana Yoswa nave aamulleella vamiitthoni va Aisraele wi, “Khalla amasiva ni oollipa murima vawi weyaano sika onaahoollelle athwaalla o ellapo eyo Apwiya yallupenlliiwa wa makhollwiiwa. Weyaano sika onaakeraattheyihe athu mwiillaponimmo.

Deuteronomo 29:9

Sika musungeke mawu mattheene a echipanganwaalla wi ddeko ddanyu ddittheddene ddiweetellekeni phaama.

Deuteronomo 28:14

Sika va mawu kinuulleelleemini ollellwaalla, muhirukunuwelle onnattanatta apaalle wuunyotthoni voothwarani milluku ddimodda ni oddirumeyella.”

Miyambo 8:20

Kinneeta mu ettilla yoolungama, mu misewu ddeechiweruzo.

1 Mamwene 2:3

Wiiwellelleke malangizo a Apwiya Mullukwaawo, ni weeta mu ettilla ddiwa, osungeke malembiiwa, malamulwiiwa, weeruza wiwa ni omboniiwa moollikana ni mmo ddilembelliwiiwa mu malamulo a Mose wi weereke mweezeru erive ello. Mwawi ddiidda oneerekopambana nave ddineerekoweetella phaama orive weko onaayeekeewe.

Numeri 27:23

Vano aamwiiyaatthi matta, amwinnya odindo moollikana ni mmo yamulangizelle Apwiya.

Yoswa 1:1

Mose, oorumeyella a Apwiya, akhwilleeye, Apwiya yaallota ni ookavihera a Mosooyo, Yoswa, mwaana a Nuni wi,

Deuteronomo 11:8

“Sika mwiiwellelleke malamulo mattheene kawinnyalleemini ollellova wi mukhalle amasiva wi muvollowe ni waakha ellapweeyo mumullapuwalle Yordani.

Yoswa 1:9

Valle kahuulamula wi okhalle amasiva. Ohooveke apaalle otathilla murima vawi mi Apwiya Mullukwaawo, kineerokhalla ni weyaano orive weko onaayeekeewewo.”

Yoswa 23:6

Sika mullipe murima wunchichi, osunga ni weera ddittheddene ddilembiwe mu nibukhu na malamulo a Mose, oohihapuwella onnattanatta apaalle nnatta noonyottho.

1 Mamwene 2:2

“Mi kiri vakhuviru okhwa. Sika llipa murima nave okhalle wonanko mullopwana.

2 Mamwene 22:2

Olliye aheera ddoolungama vamiitthoni va Apwiya, aanathwara echisanzo ya Davide nikhollo naye mu ddittheddene, oohirukunuwella onnattanatta apaalle wuunyotthoni.

2 Epilli 15:7

Koma nyu, llipani murima! Mattaanyu ehifooke vawi muneerothuviwa ekaamba ya muttekwaanyu.

Yobu 1:8

Apwiya yaamukohattho Satana wi, “Ethiyo woomoonesesa oorumeyellaaka Yobu? Khaavo mmodda wonanko olliyooyo veellaponi yavatthi. Olliye tti oohichimwa, oolungama, ooheera ddoonanara ni oomoova Mulluku.”

Daniele 10:19

Aallota wi, “We ookondiwesesa, ohoove. Murendelle okhalle ni weyaano. Khalla amasiva nave llipa murima.” Allotilleeye ddenndda, kaaphwanya masiva nave kaallota wi, “Apwiyaaka, llotani vawi mookillipiha.”

Deuteronomo 4:2

Muhoonjererevo erive ello va nnddo kinuulamulelleemini nave ovukullavo erive ello. Mwiiwellelleke malamulo a Apwiya Mullukwaahu ayo kinuulleelleemini.

Deuteronomo 29:8

Nahaakha ellapwiiwa nave naayikawella variyari va malloko a Rubeni ni Gadi owaaka hafu a nlloko na Manase wi ekhalle wonanko yoohallaniiwa.

2 Epilli 26:5

Ahiivelleella wa Mulluku m'mallapo a Zekariya oyo amulangiza ddawaatitimiha Apwiya. Vawi aanaallapella Apwiya Mulluku, yaanamudalisa.

Masalimo 80:19

Nyu Apwiya Mulluku Amasiva Mattheene, nihokolloselleni mwakhalle niwalihelleni ekhovaanyu wi nivulluwe.