Yona 4:9 - Mawu a Mulluku

⁹ Koma Mulluku aamwaakhulla Yona wi, “Ethiyo weyaano ori ni tini yooshella murima?” Navettho Yona aawaakhulla Apwiya wi, “Ee kinanariwelle ddawoona. Vawi onanariwa wene ttiwookhwana.”

Yona 4:9 ပူးပေါင်းရင်းမြစ်များ

Yobu 18:4

Oniiphoriihe phudda ni onanariwa wawo. Ethiyo ellapo ttuutathilliwa ekaamba ya weyaano, apaalle nlluku ttuuvenyihiwavo ekaamba ya weyaano?

Yobu 5:2

Ddawoona, osha murima onnawiipha oolloddowa, nrima ninnawoononga athu ookarangeya.

Oweeruza 16:16

Vano amusimellihalle ni omukoha nirive nllapo, Samisoni murimaaye waatopa ophiyera opaalla okhwa.

Yawuupullulla 9:6

Wa miyeri mitthanunndda athu eneerekewaashaasha okhwa koma khephwanya. Eneeropaallesesa okhwa koma okhwanko oneerewaathawella.

2 Akorinto 7:10

Vawi ovoriiwa murima woovenyera wa Mulluku onnarukunusa murima wi ovullusiwe nave khaavo muthu anaakhalle ni ethakaraka ni ovoriiwa murima wenko. Koma ovoriiwa murima woovenyera wa athu onnawaana okhwa.

Mateyu 26:38

Nave aallota wi, “M'murimani mwaka mooddalla ethakaraka ddinchichi ddookhwana. Hallani vaava nave muhikoneke kinayeemi wi kavekelle.”

Yobu 36:18

Chenjera wi ddamukaphwani ddihuukhuneelle miittho, apaalle wi eyuuma ehuuhollose.

Yona 4:1

Ekaambeene yeella Yona aananariwa wunchichi navettho aasha murima.

Yona 4:8

Vookhumani nndduwa, Apwiya yaamurumihella Yona ephevo yooviha wunchichi. Nndduwa naamoosa vamuru vaye mookusa murima. Sika ahaambattho oveka okhwa wi, “Tti waphaama wi kikhwe okhwaranya okhalla ni okumi.”

Yona 4:10

Koma Apwiya yaamwaakhulla wi, “We onamoriwella ethakaraka mukhura wonanko wawumellihalle tti weyaano. Navettho khe weyaano wawaallille apaalle wunnuwihalle mukhurooyo. Wamenlle nllapo nimodda navettho okhwa ohinase wa nllapo noothwarellellanno.

1 Mamwene 21:4

Vaavo Ahabu aavollowa mpa mwaye moollutuwa ni moosha murima ekaamba ya nnddo Naboti Muyezireele allotilleeye wi, “Nguuvahani yoohallana ya makhollwaaka.” Sika Ahabu aakonaatthi vabedini vaye anaweha osirini, oohipaalla naari ocha.