Yona 4:8 - Mawu a Mulluku

⁸ Vookhumani nndduwa, Apwiya yaamurumihella Yona ephevo yooviha wunchichi. Nndduwa naamoosa vamuru vaye mookusa murima. Sika ahaambattho oveka okhwa wi, “Tti waphaama wi kikhwe okhwaranya okhalla ni okumi.”

Yona 4:8 ပူးပေါင်းရင်းမြစ်များ

Yona 4:3

Sika vano Nyuwaano Apwiya, koophara mwetwaanyu, kimalliheni. Tti waphaama wi kikhwe okhwaranya okhalla ni okumi.”

Ezekiele 19:12

Koma waatulliwa moowalli okuhiwa, ahumma ni ephevo ya wookhuma nndduwa, ezipaso ddiwa ddaavakareya, nthimwa nahumma, muteekho muttheene osha ni munllo.

Masalimo 121:6

Nndduwa khaniwa niwoosa otthaana, mweeri khowa wuukatamiha mahiiyu.

Yawuupullulla 7:16

Khewa evolliwa ettalla apaalle nthona naari nndduwa ni oviha wiwa khaddiwattho ddiwoosa.

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Yesaya 49:10

khevolliwa ettalla apaalle nthona. Ephevo yooviha apaalle nndduwa khaddiwoosa kaambiiwa oyo anaweerella echifundo aneerewaahoollella ni waavelleella o aneetuutu.

Yona 1:17

Apwiya yaalamulella khalleve ehomba yuullupalli wi emumirye Yona. Sika Yona aakhalla m'mirimani mwa ehombeeyo mallapo mararu, otthaana ni mahiiyu.

Yona 1:4

Koma Apwiya yaarumiha namondwe va enyanjamvo. Namondwooyo aanoopa mwawoopiha wunchichi vawi echombo yahanlle vang'ono ophweeya.

Nchipo na Solomoni 1:6

Muhikiwehe moovevulla ekaamba ya oripanngu, nndduwa sika nikiripihalle. Arokoraka yaakishella murima, ophiyera yaakitthattusa oopwatha emata yampesa, koma emata yaakayaaka ngaawonre oyipwatha.

Masalimo 39:9

Mi tti muthu oohillota, ngihulla vayanoni vaka, vawi tti nyuwaano mweerille ddenndda.

Yobu 2:10

Koma Yobu aamwaakhulla wi, “Onallota wonanko mutthiyana ookarangeya. Ethiyo ttuwaakhella ddaphaama ovenyera wa Mulluku nave ttuukhoota waakhella ddoonanara? Va ddittheddenenndda Yobu khaachimwalle ni eyanwaaye.”

1 Samuele 3:18

Sika Samuele aamulleella ddittheddene nave khaakhuwalle erive ello. Eli aallota wi, “Yaayo sika Apwiya, yeere eyo enaaddivella.”

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Mateyu 20:12

Yaallota wi, ‘Athu alla yaalembiwe moomallihella yaphanre mutteko enthawi yooyeva koma hiyaano naavillella mutteko wa nllapo nittheene ni oviha wa nndduwa nave mohaallivella moophwanaphwana ni mmo muniillivenlleenyu.’

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

Hoseya 13:15

Naari Efuremu ahakallallille wonanko epango, ephevo ya wookhuma nndduwa, ephevo ya Apwiya eneerewoopa ovenyera ochipululuni. Sika aneetuutu eneerowelleella nave mathiyaaye eneerewumma. Adani eneerewoononga eyuumaaye yoowallamella mutengo.

Yona 4:9

Koma Mulluku aamwaakhulla Yona wi, “Ethiyo weyaano ori ni tini yooshella murima?” Navettho Yona aawaakhulla Apwiya wi, “Ee kinanariwelle ddawoona. Vawi onanariwa wene ttiwookhwana.”

Genesis 41:6

Vatulli viwa vaaphuwattho makalla matthanu ni meelli awoonda ni ooshellella ni ephevo yoovenyera wookhuma nndduwa.

1 Mamwene 21:4

Vaavo Ahabu aavollowa mpa mwaye moollutuwa ni moosha murima ekaamba ya nnddo Naboti Muyezireele allotilleeye wi, “Nguuvahani yoohallana ya makhollwaaka.” Sika Ahabu aakonaatthi vabedini vaye anaweha osirini, oohipaalla naari ocha.

Yobu 7:15

Sika tti waphaama wiimakellella ni okhwa, okhwaranya okhallella ovoriiwa ddiidda.

Oollalleya 7:9

Ohinaakuvaka osha murima vawi osha murima tti wa athu ookarangeya.