Yona 4:4 - Mawu a Mulluku

⁴ Apwiya yaamwaakhulla wi, “Ethiyo weyaano ori ni tini yooshella murima?”

Yona 4:4 ပူးပေါင်းရင်းမြစ်များ

Mateyu 20:15

Khonaakhullelliwa wa miyaano weera yeeyo kinapaalleemi ni makobiraaka? Apaalle onakikhallella ehache kaambiiwa miyaano kiri aphaama?’ ”

Yona 4:9

Koma Mulluku aamwaakhulla Yona wi, “Ethiyo weyaano ori ni tini yooshella murima?” Navettho Yona aawaakhulla Apwiya wi, “Ee kinanariwelle ddawoona. Vawi onanariwa wene ttiwookhwana.”

Mika 6:3

Apwiya enallota wi, “Nyu athwaaka, kiweerenlleni tini? Ethiyo kuutopihalleni ni tini? Pepaani, kaakhulleni.

Numeri 20:24

“Aroni khavollowa mwiillaponi eyo kinaavaheemi Aisraele. Aneerokhwa ekaamba yawi eelliinenyu khamwiiwellelle lamulo naka omaaddini a o Meriba.

Genesis 4:6

Enthawi yeeyo Apwiya yaamukoha Kaini wi, “Ethiyo oshelle murima tini? Ethiyo omorelle ekhove tini ni owa mahinyare?

Yobu 36:18

Chenjera wi ddamukaphwani ddihuukhuneelle miittho, apaalle wi eyuuma ehuuhollose.

Yona 4:1

Ekaambeene yeella Yona aananariwa wunchichi navettho aasha murima.

Yona 4:3

Sika vano Nyuwaano Apwiya, koophara mwetwaanyu, kimalliheni. Tti waphaama wi kikhwe okhwaranya okhalla ni okumi.”

Yona 4:5

Vano Yona aakhumamo m'muzindammo aya akeraatthi vatthi ohito wa wookhuma nndduwa wa muzindooyo. Aatthipella musasa mmo akeraatthilleeye m'muuthuuchini otiyerella wi oone nnddo ddineereye mu Nineve.

1 Mamwene 21:4

Vaavo Ahabu aavollowa mpa mwaye moollutuwa ni moosha murima ekaamba ya nnddo Naboti Muyezireele allotilleeye wi, “Nguuvahani yoohallana ya makhollwaaka.” Sika Ahabu aakonaatthi vabedini vaye anaweha osirini, oohipaalla naari ocha.