Yona 3:9 - Mawu a Mulluku

⁹ Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Yona 3:9 ပူးပေါင်းရင်းမြစ်များ

2 Samuele 12:22

Davide aallota wi, “Mwanaka aariiye mukumi, kaanakhoota ocha nave kaaninlla vawi keehina, ‘Anadduwella ttaani, mwaamodda apaalle Apwiya ttuukeerella echifundo wi, mwaanooyo akhalle mukumi?’

Yona 1:6

Vano kaputeni a echombo aaphiya wa Yona nave aamukoha wi, “Ethiyo we namakona, onaphuravo tini vaava? Venya! Vekella wa mullukwaawo! Apaalle ttuunimoriwella ethakaraka wi nihoonongeye.”

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Masalimo 85:3

Mwaahiya osha murima wanyu wawoopiha, mwaahiiha onanariwa wanyu wookhara munllo.

Masalimo 90:13

Nyu Apwiya, hokollweellani wa hiyaano, munaananariwe ophiyera niini? Amorelleni ethakaraka oorumeyellaanyu.

Yeremiya 26:13

Koma mwahiya machimwaanyu ni waamba wiiwellella mawu a Apwiya Mullukwaanyu eneerewuukhululukellani, kheyuullakani moollikana ni mmo yallotelliiwa.

Daniele 4:27

Nyu amwene, ekaamba ya yeella, thwarani malangizwaaka. Hiyani machimwaanyu, mweereke ddoolungama vooweerellani echifundo oohoowa wi apaalle enthawi ya murendellaanyu erekame.”

1 Samuele 6:5

Vano mupange maphwanaphwaniho a etthuku ni a amuthoro ayo enoononga mwiillaponi mwanyu nave mumutitimihe Mulluku a Aisraele. Mwaamodda eerohiya wuullakani nyuwaano ni milluku dda mwiillaponi mwanyu.

Yona 1:15

Vatulli viwa, yaamutukhulla Yona nave emuvokhella munyanjammo. Enthawinthawi yeeyo enyanja yaheera ellapo tuu.

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Zefaniya 2:3

Nyu attheene awiiyeviha, waashaasheni Apwiya, nyu muniiwellella malamulwiiwa. Ashaashani echilungamo ni wiiyeviha apaalle ttuuvulluwa va nllapo na osha murima wa Apwiya.