Yona 3:6 - Mawu a Mulluku

⁶ Mwene o Nineve vawiiwani ddennddo, aakittha va vampandoni vaye woomwene nave aarullattho mukanjwaaye. Aawara echiguduli nave ahiiyeviha vookeraatthi vaddallani.

Yona 3:6 ပူးပေါင်းရင်းမြစ်များ

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Yobu 2:8

Sika Yobu aakusa nivalli aniiwakana akeraatthille vaddallani.

Luka 10:13

“Mookhalla ni otulli nyu athu a o Korazini naarittho o Betisaida vawi ddoottikhiniha ddeeriwe wa nyuwaano ddeeriweke wa athu aweera ddoonanara a o Tiro ni a o Sidoni, yaaweerorukunuwa murima khalle. Yaweerokeraatthi vatthi ewanre eziguduli ni wiihella ntuura wooniha wi aarukunuwa murima!

Mateyu 11:21

“Mookhalla ni otulli nyu athu a o Korazini naarittho o Betisaida vawi ddoottikhiniha ddeeriwe wa nyuwaano ddeeriweke wa athu aweera ddoonanara o Tiro ni o Sidoni, yaaweerorukunuwa murima khalle. Yaaweerowara eziguduli ni wiihella ntuura wooniha wi yoorukunuwa murima!

Yeremiya 6:26

Apwiya enallota ni athwiiwa wi, “Nyu athwaaka, warani eziguduli nave upuruwani vantuurani. Inllani mwamasiva wonanko muthu anamwinllella mwanaye mmoddave vawi moorurumusa awoononga aneeroowa wi awiipheni.

Yeremiya 13:18

Mulleelle mwene ni amennya wi, “Kitthani va mipando ddoomwene vawi enduwira ddanyu ddooreera ddoomwene ddoomorella vatthi.

Mika 1:10

“Vano muhaalleelle ddenndda a o Gati nave muhinlle naari vang'ono. Mudduupuruse munthupini o Beteleafura vawoonihani ethakaraka.

Maliro 3:29

Apopheye ekhovaaye vanthupini, apaalle etiyerellwaaye ttuukhallavove.

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Yesaya 15:3

Athu a m'misewuni ewanre eziguduli, vaddullu va enyumba ni m'mathatoni arive muthu aninlla mookhuwa amorihaka miitthori.

Yeremiya 36:24

Komave naari mwene apaalle mmodda a enduna ddaye yiiwalle mawaalla, khaavo ooville apaalle waahulla ddoowara ddaye.

Maliro 2:10

Attekweene a mwaana aamutthiyana, Ziyoni, ekeraatthille vatthi, eri khumaa! Ahiihella nthupi omuruni nave ewanre eziguduli. Anamwalli a o Yerusalemu aawaramihella miru ddiwa vatthi.

Ezekiele 26:16

Vano mamwene mattheene a o enyanja eneerokittha m'mipandoni ddiwa ddoomwene. Mikanjo ddiwa eneeroddihiya vakhwipi nave eneerorulla ddoowara ddiwa ddoopeta. Eneerokeraatthi vatthi etthukumellaka ekaamba yawoova nave ekaamba ya nnddo enaaddooniiwa enaakhulle owanoni kakalla’

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

Yeremiya 36:13

Vano Mikaya ahaalleella mawu mattheene iiwalleeye mvo Baruki eerengeeye nibukhu athu yiiwaka.