Yona 3:5 - Mawu a Mulluku

⁵ Athu o Nineve yaakhulupilila othenga wa Mulluku. Sika yaallalleya wi arive muthu, waambeella muullupalli ophiyera mung'onong'ono, athute ddoocha nave aware echiguduli wooniha olapa.

Yona 3:5 ပူးပေါင်းရင်းမြစ်များ

Luka 11:32

Va nllapo na echiweruzo athu a o Nineve eneerovenya vamodda ni athu a mbadoolla. Athu a o Ninevaayo eneerewaavaanyiha athu a mbadoolla kaambiiwa alliwa yaarukunuwa murima yiiwalliiwa ollalleya wa Yona. Vano kinimuulleellani wi vookhalla mmodda vaava muullupalli oomukhwaranya Yona.

Mateyu 12:41

Va nllapo na echiweruzo athu a Nineve eneerovenya vamodda ni athu a mbadoolla. Athu a o Ninevaayo eneerewaavaanyiha athu a mbadoolla kaambiiwa alliwa yaarukunuwa murima yiiwalliiwa ollalleya wa Yona. Vano kinimuulleellani wi vookhalla mmodda vaava muullupalli oomukhwaranya Yona.

Daniele 9:3

Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Yowele 1:14

Alamuleni athu wi ehalle ocha, ithanihani mutthukumano woopatuleya, atthukumaniheni oohoollella ni Ayuda attheene ewe o enyumba ya Apwiya Mullukwaanyu yinllelle wa alliwa.

2 Epilli 20:3

Vaavo Yehoshafati ahoova nave aaganiza wi aaveke Apwiya ezeru ni ollalleya wi athu attheene a o Yuda ehalle ocha.

Aheberi 11:1

Okhalla ni echikhulupililo onattaphullella wi ohikayikella ddeko ninatiyerelleehu ni osimikiza wi ddeko nnddo nihinaddooneehu ddookhallawo.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Mitteko 27:25

Sika athu nyu, llipani murima vawi kinnamukhulupilila Mulluku wi ddinaakhalle wonanko allotilleeyemmo.

Mitteko 8:10

Nave arive muthu m'muzindanimmo, waambeella muullupalli ophiyera mung'onong'ono yaanamwaapella maaru enallota wi, “Muthu yoolla sika masiva a Mulluku ooromolliwa, ‘Masiva muullupalli.’ ”

Yeremiya 42:8

Sika Yeremiya aamwiithana Yohanani mwaana a Kareya ni oohoollella attheene a akhoto ayo yaari ni olliye navettho athu attheene uullupalli ni ang'onong'ono.

Yeremiya 42:1

Vano oohoollella attheene a akhoto ni Yohanani mwaana a Kareya, Azariya mwaana a Hoshaya ni athu attheene, uullupalli ni ang'onong'ono yaaya wa namallotella Yeremiya emulleella wi,

Yeremiya 36:9

Va mweeri waneetthanu ni sese wa muyakha waneetthanu wa omwene wa Yehoyakimu mwaana a Yosiya mwene a o Yuda, athu attheene a o Yerusalemu ni attheene yavenyenre o mizinda dda Yuda yahiiwanana dda ohalla ocha wi yaapepese Apwiya.

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Ezara 8:21

Vano o muhinje wa Ahava kaalamula wi nihalle ocha ni wiiyeviha vamiitthoni va Mullukwaahu ovekella wi anihoollelle va olendwaahu ni oniteteza hiyaano, aniihu ni katundwaahu.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Estere 4:1

Mordekai iiwalleeye ddittheddene ddeereyillennddo, ahaahulla ddoowara ddaye, awara nthumba ni wiihella ntuura ekaamba ya ethakaraka. Aaya avollowa muwari mwa muzinda, inllaka mookhuwa ni moovoreyiwa murima wunchichi.

Yona 3:7

Vano mwenooyo aallalleya o Nineve wi, “Iwani lamulo noovenyera wa mwene ni enduna ddaye: ‘Arive muthu ahiche erive ello navettho enama ddittheddene dduullupalli ni dding'onong'ono ddene ddihiche erive ello apaalle owirya maaddi.

Eksodo 33:6

Sika ovenyera o mwaango wa Horebu Aisraele kheyaawarattho ddawiireerihana.

2 Mamwene 19:1

Hezekiya iiwalleeye ddenndda, ahaahulla ddoowara ddaye mwathakaraka nave aawara echiguduli avollowa mu enyumba ya Apwiya.