Yona 3:4 - Mawu a Mulluku

⁴ Vano Yona aavollowa m'muzindammo. Eetille olendo wa nllapo nimodda, ahaamba ollalleya wi, “Voomallani mallapo 40, Nineve aneerotthollosiwa!”

Yona 3:4 ပူးပေါင်းရင်းမြစ်များ

Deuteronomo 18:22

Muthu allotella mu nnddina na Apwiya nave ddaaheereya, vaavo dduwellani wi mawaayo khenavenyera wa Apwiya. Namallotella yooyo anallotella dda m'muruni mwaye nave muhimoove.”

Yona 3:10

Mulluku ahoona mmo athwaayo yeerelliiwa ni mmo yahiyeriiwa makhallellwiiwa oonanara. Sika aarukunusa maganizwaaye, ahaakhululukella athwaayo, khaatthollonse wonanko mmo allotelleeye.

2 Mamwene 20:6

Nave kineerowaanjerera miyakha khumi ni mitthanu mu okumaawo. Kineerowaakihera weyaano ni muzinda yoolla wa mwene a o Asiriya. Muzindoolla kineerewuuteteza ekaamba ya mi ni Davide oorumeyellaaka.’ ”

2 Mamwene 20:1

Enthawi yeeyo Hezekiya aavoriiwa nave aari vakhuviru okhwa. Namallotella Yesaya mwaana a Amozi aaya wi amoone nave aamulleella wi Apwiya enallota wi, “Opotokose ddeko ddawo ddittheddene phaama vawi onimakhwa, khochira.”

Mateyu 12:41

Va nllapo na echiweruzo athu a Nineve eneerovenya vamodda ni athu a mbadoolla. Athu a o Ninevaayo eneerewaavaanyiha athu a mbadoolla kaambiiwa alliwa yaarukunuwa murima yiiwalliiwa ollalleya wa Yona. Vano kinimuulleellani wi vookhalla mmodda vaava muullupalli oomukhwaranya Yona.

Luka 11:30

Vawi Yona aari echizindikiro ya athu a o Nineve. Emoddamoddave yeeyo Mwaana a Muthu aneerokhalla echizindikiro ya athu a mbadoolla.

Luka 11:32

Va nllapo na echiweruzo athu a o Nineve eneerovenya vamodda ni athu a mbadoolla. Athu a o Ninevaayo eneerewaavaanyiha athu a mbadoolla kaambiiwa alliwa yaarukunuwa murima yiiwalliiwa ollalleya wa Yona. Vano kinimuulleellani wi vookhalla mmodda vaava muullupalli oomukhwaranya Yona.

Yesaya 30:18

Komave Apwiya ennatiyerella oweerellani echifundo alliwa tti ookhonzeka wi yuureerelleni murima ekaamba yawi Apwiya tti Mulluku eechilungamo. Oodalisiwa tti attheene enaaroromella Apwiya.

Yeremiya 42:10

‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.