Yona 2:9 - Mawu a Mulluku

⁹ Koma mi kineerovelleella moororomelleya mikutho ddaka wa Apwiya ni mawu oothokoza.’ ”

Yona 2:9 ပူးပေါင်းရင်းမြစ်များ

Masalimo 3:8

Opambana wahu onavenyera wa nyuwaano, Apwiya. Madaliswaanyu ekhalle va athwaanyu.

Masalimo 50:14

Koma muthokozeni Mulluku wonanko mukutho, mweere ddittheddene mwallupenlleenyu wa Amasiva Mattheene.

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

Masalimo 50:23

Koma othokoza wonanko mukutho onakititimiha, oyo aneera ddenndda, kineeromoonihella ovullusa waka.”

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

Masalimo 68:20

Mullukwaahu tti Mulluku oovullusa, tti Mulluku, Apwiya ayo enanoopolla wuukhwaani.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Yesaya 45:17

Koma Israele anavullusiwa ni Apwiya, ovullusiwa waye oneerokhallavo wa enthawi yoohimalla. Athwaaye khewa ewulliha muru, khewa evevulliwa.’ ”

Yawuupullulla 7:10

Yaakhuwa ni mawu oowella wi, “Ovullusa sika wa Mullukwaahu oyo anakeraatthi vampandoni woomwene navettho wa mwaanaankhosa!”

Yohane 4:22

Nyuwaano Asamariya khamunamudduwella oyo munamullapelleenyu koma hiyaano Ayuda ninnamudduwella oyo nnamullapelleehu kaambiiwa ovullusa onavenyera wa Ayuda.

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Yobu 22:27

Oneerovekellattho wa olliye nave aneerowiiwa, oneerovelleella wa olliye ddoollupella ddawo.

Genesis 35:3

Nineerotthaamawo wuno nave nineeroya o Betele nko kineereemi kamake nikuwa na Mulluku oyo akikaviherille va enthawi ya ddookatamiha ddaka. Vawi olliye sika akhanlle akiweheraka orive weko kayeemiwo.”

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

Masalimo 107:22

Evelleelle mikutho ddoothokozella ni ollalleya mitteko dda Apwiya, vawiipani machipo oohakallalla.

2 Samuele 15:7

Viviralle miyakha misese, Abishalomu ahaaveka a mwenaalle wi, “Pepaani mukaakhullelle wi kiye o Hebroni, keere nnddo kallupenlleemi wa Apwiya.

Deuteronomo 23:18

Makobiri mattheene oophwanyeya mu ettilla ya ohule waweereya ni mullopwana apaalle mutthiyana, muhiweekena o enyumba ya Apwiya Mullukwaanyu wi mukwakhwanihe malonjezwaanyu. Apwiya Mullukwaanyu enniitanana ddenndda.

Masalimo 27:1

Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?

Masalimo 95:2

Hankoni naphiye vamiitthoni viwa, naathokoze, hankoni naakhuwelle moohakallalla ni machipo.

1 Samuele 12:21

Nave muhinathwaraka mafano mattheene ayo ehinna mutteko, ayo ehinawora ovullusa vawi khenna masiva.