Yona 2:8 - Mawu a Mulluku

⁸ Athu oollapella milluku ddawoottha kheyiivo enaphuriiwa.

Yona 2:8 ပူးပေါင်းရင်းမြစ်များ

Masalimo 31:6

Nyuwaano munniitana ni oollapella mafano awoottha, koma miyaano kinnuuroromellani nyu Apwiya.

Yeremiya 2:13

Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

2 Mamwene 17:15

Kheyaapwatha malamulo a Apwiya ni echipangano ya Apwiya eyo yeerilliiwa ni makhollwiiwa. Kheyaapwathillettho ddoochenjeza dda Apwiya. Yaanathwara milluku ddoohikhalla ni mutteko, alliwa yaatthattuwa oohikhalla ni mutteko. Yaathwara ezisanzo dda athu a mitundu ddimodda awaatamanana naari Apwiya yaalamulalle wi eheereke moophwanaphwana ni mitundu ddennddo.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

1 Samuele 12:21

Nave muhinathwaraka mafano mattheene ayo ehinna mutteko, ayo ehinawora ovullusa vawi khenna masiva.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Masalimo 69:14

Kivulluseni wi kihitore m'matokwini, kaakiheni wa adanaaka ni o maaddi oowallamella.

Masalimo 142:4

Kaweha o nnattanatta, khaavo naari mmodda anapwatha dda miyaano, khawiiwo wawi kithawellewo, khaavo muthu ookikavihera.

Mika 1:2

Nyu athu a mitundu ddittheddene, iwani! We ellapo yavatthi ni ddittheddene ddookhalla mwemmo, Apellani maaru! Apwiya Mulluku Amasiva Mattheene enawiipani mullatu, enallota ovenyera o enyumbiiwa yaweella.