Yona 2:6 - Mawu a Mulluku

⁶ Kaakitthella muhitohito, m'mamellello a mwaango, o ellapo ya machiwi oowalliwa ni maloko oohihulleya wa enthawi yoohimalla.

Yona 2:6 ပူးပေါင်းရင်းမြစ်များ

Masalimo 30:3

Nyu Apwiya, mookikhumiha mu ellapo ya ookhwa, mookihokollosella okumi wi kihikitthelle o mahame.

Masalimo 16:10

Miyaano oororomelleyaanyu, khamukihiya o ellapo ya ookhwa, khamwaakhullella wi kuntelle mu mahame.

Yesaya 38:17

Ngoonani, kahoona ovoreya wi kikhalle phaama, moovullusa okumaaka o mahame, mohaatathillella machimwaaka mattheene otulli wanyu.

Habakuku 3:10

Miyaango ddawoonilleewani ddaatikheya, maaddi yaamora ovenyera oddullu. Maaddi a vatthi va ellapo yaathuruma, mafundiiwa yaawella muddullu.

Habakuku 3:6

Iimella, ellapo yavatthi ennatikheya, aweha mitundu dda athu ddaatthukumella, Miyaango ddookeraattheya ddaakumuwa, asimiyaango akhalle ennawarama nko eeteeyewo khalle.

Yesaya 40:12

Ethiyo ttaani eesille waata wa maaddi a mu enyanja ni nnatta naye apaalle orekama wa muddullu ni muwonwaaye? Ethiyo ttaani eesille ethaya ettheene ya ellapo yavatthi ni mutaanga apaalle ollemella wa miyaango ni asimiyaango vasikeloni?

Masalimo 143:7

Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.

Masalimo 104:8

Miyaango ddaawella, matapo yaakittha, ophiyera onipuroni nko mwaakhozenlleenyu.

Masalimo 104:6

Mooyihuruwella ni enyanja yoowallamella wonanko ni yoowara, maaddi yaawella ophiyera vaddullu va miyaango.

Masalimo 65:6

Nyuwaano mwahooniha masivaanyu, vookeraatthihani miyaango, voowaapheelliwani ni ekophollo.

Masalimo 55:23

Koma Nyu Mulluku muneerewaavokhella adanaaka mu nlliti noowallamella nawoononga. Athu awiipha ni awoottha khephiya naari hafu a mallapwiiwa ookumi. Koma nyu Mulluku, kineerewuuroromellani.

Masalimo 30:9

“Ethiyo munaaphurevo tini va okhwa waka kakitthella o mahame? Ethiyo athu yatthattuwa nthupi ttuuwuutitimihani? Ethiyo ttuullalleya dda ororomelleya wanyu?”

Yobu 33:28

Ahoopolla okumaaka wi ohimorelle munllitini, miitthwaaka eneerewoonattho owala.

Yobu 33:24

Mweechifundo mungelooyo ttuullota wi, Muttaphulleni wi ahimorelle munllitini, koophwanya yoomoopollella olliye.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Masalimo 18:5

Onyolo wa mahame waakimaka, millapa dda okhwa ddaakikola.

Masalimo 116:3

Misampha dda okhwa ddaakaapheella, ddawoopiha dda ellapo ya ookhwa ddaakimorella, kahoona ddookatamiha, kaamoriwa ethakaraka.

Yesaya 38:10

Kaanaganiza wi kiri musombwe mukitthikitthi, kineerotthaamella o ellapo ya ookhwa, kineeromallihella wenko miyakha ddaka ddoohalla.

Ezekiele 26:20

Kineerewuukuhella vatthi wi okhalle vamodda ni athu akhalle ayo yakitthenlle omahame. Kineerewuukitthihella ollitininko vamodda ni athu yakhwille khalle wonanko ntepe natthaamiwe khallekhalle. Sika khowa okhalla ni athu mu ellapo ya ookumi.

Ezekiele 31:14

Nndda ddineereweereya wi vihikhalle muteekho naari mmodda wa mukhwipi mwa muhinje oyo onaarekame wunchichi apaalle oyo etthoka ddiwa ddinaaphiye oddullu. Vihikhallettho miteekho ddimodda ddawaakhella phaama maaddi nnddo ddinaarekame ophiyera oddullu. Vawi ddittheddenennddo omalla wiwa tti okhwa, oya vatthi va ellapo wi ddakhalle vamodda ni athu ookhwa, ayo yavollowille khalle mu mahame.’

Masalimo 69:2

Kootora m'matokwini oowallamella mmo muhiri ddoonyingalla ddoollipa. Koovollowa m'maaddini oowallamella, mafunde aakimirya.