Yona 2:4 - Mawu a Mulluku

⁴ Sika kaallota ni murima wi, ‘Mookitathillella woorekama ni nyuwaano. Ethiyo kinoonettho mwawiidde enyumbaanyu yaweella?

Yona 2:4 ပူးပေါင်းရင်းမြစ်များ

Masalimo 31:22

Kaallota mookhupanya wi, “Aakivenyiha m'mattani mwa nyuwaano.” Koma nyuwaano mwahiiwa oveka waka kuukhupanyelleemini wi mukikavihere.

Masalimo 5:7

Koma miyaano kineerovollowa mpa mwanyu, ekaamba ya echikondaanyu yoohisintheya. Kineerokokhora moowarama, owiitthoni wa enyumbaanyu yaweella nave kineerewuullapellani.

Yesaya 38:17

Ngoonani, kahoona ovoreya wi kikhalle phaama, moovullusa okumaaka o mahame, mohaatathillella machimwaaka mattheene otulli wanyu.

2 Epilli 6:38

Athwaayo yaahokollweella wa nyuwaano ni murimiiwa muttheene ni okumiiwa muttheene mu ellapo nko yapharelliwiiwawo okaporo, yavekella wa nyuwaano moowehani o ellapwiiwa eyo mwaavahilleenyu makhollwiiwa, o muzinda oyo mwawutthoollilleenyu navettho onyumbani eyo kimakenlleemi nnddina nanyu

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Yeremiya 7:15

Kineerowiikarihani vamiitthoni vaka wonanko mmo kawiikarihelleemi abalaanyu attheene, edduullu ddittheddene dda Efuremu. Mi Apwiya koollota.”

Ezekiele 37:11

“Apwiya yaakilleella wi, ‘We mwaana a muthu, makhuva yaalla tti Aisraele attheene. Alliwa ennallota wi makhuvaahu ahumma, otiyerella wahu woomalla nave nohoonongeya.’

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yesaya 49:14

Koma athu a o Ziyoni yaallota wi, “Apwiya aanihiya, Apwiya aanitiwalla hiyaano.”

1 Mamwene 9:7

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeromutthattusa Israele ello yoottheyiha ni yoonyemulliwa variyari va athu attheene.

1 Mamwene 8:48

Athwaayo yaahokollweella wa nyuwaano ni murimiiwa muttheene ni okumiiwa muttheene mu ellapo ya adaniiwa nko yapharelliwiiwawo okaporo, yavekella wa nyuwaano moowehani o ellapwiiwa eyo mwaavahilleenyu makhollwiiwa, o muzinda oyo mwawutthoollilleenyu navettho o enyumba eyo kimakenlleemi nnddina nanyu

1 Mamwene 8:42

Ddawoona athu eneerewiiwa dda nnddina nanyu noovuwa navettho nnatta nanyu namasiva ni naweera dduullupalli yawa ovekella mu enyumbeella,

Yona 2:7

Vawoonani murimaaka okitthellaka o mahame, kaawupuwellani nyu Apwiya, ollapella waka wahiiweya mu Enyumbaanyu Yaweella.

Masalimo 42:8

Otthaana Apwiya ennooniha echikondiiwa yoohisintheya mahiiyu kinniipa nchipo niwa ni omuvekella Mulluku a okumaaka.

Masalimo 88:6

Mookihiya vatthi va nlliti, mapuro oowallamella ni eepiphi.

Masalimo 88:7

Osha murima wanyu wookiphitteera, mookimirya ni mafundaanyu mattheene.

Maliro 3:54

Murwaaka waapwina m'maaddini, kaaganiza wi okhwa wookaatamella.