Yona 2:2 - Mawu a Mulluku

² Aallota wi, “Nyu Apwiya, kaariimi mu mahame kaawiithanani, nave mwaakaakhulla. Mi vookhallani mu ellapo ya ookhwa kahinllella wa nyu wi mukikavihere, nave mwahaakhella nivekello naka.

Yona 2:2 ပူးပေါင်းရင်းမြစ်များ

Masalimo 120:1

Kaawinllella Apwiya mu ddookatamiha ddaka nave yaakaakhulla.

Masalimo 34:6

Muthu oohoowoolla ahinlla, Apwiya yaamwiiwa, emuvullusa mu ddookatamiha ddaye ddittheddene.

Masalimo 86:13

Vawi echikondaanyu yoohisintheya va miyaano tti yuullupalli nave mwahaakihera okumaaka o woowallamella wa ellapo ya ookhwa.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

1 Samuele 30:6

Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.

Mateyu 12:40

Vawi Yona akhanlle m'mirimani mwa ehomba yuullupalli mallapo mararu otthaana ni mahiiyu, emoddamoddave yeeyo mi, Mwaana a Muthu, kinaakhalle vatthi va ethaya mallapo mararu otthaana ni mahiiyu.

Masalimo 116:3

Misampha dda okhwa ddaakaapheella, ddawoopiha dda ellapo ya ookhwa ddaakimorella, kahoona ddookatamiha, kaamoriwa ethakaraka.

Masalimo 22:24

Vawi kheyaamuvevullalle muthu oohoosiwa, kheyaananariwalle ni ohoosiwa waye. Khemwiipitthihelle ekhoviiwa, koma yaamwiiwa inlleeye.”

Masalimo 4:1

Nyu Mullukwaaka oolungama, mukaakhulle kaawiithanakani. Kakatamihiweemi mwaawa mukikavihera. Mukeerelle echifundo nave iwani ovekella waka.

Luka 22:44

Naari Yesu ahoowille wawoopiha m'murimani mwaye, aavekellave ohiyana ni vawaamba nave nikhurumella naye naari wonanko nikhame ninamorella vatthi.

Yesaya 14:9

“We mwene a o Babiloni, ellapo ya ookhwa wuutthukumellella okhozekella okumana ni weyaano waaphiyaka. Yohuuvenyihella minepa dda ookhwa dda oohoollella attheene akhalle a ellapo yavatthi nave ennaweeriha mamwene attheene akhalle ovenya va mipando ddiwa.

Masalimo 65:2

Nyu oyo munaapella maaru mavekello, athu attheene eneeroowa wa nyuwaano

Masalimo 61:2

Miyaano ookhalla omamallihello wa ellapo yavatthi, kootathilla murima nave kinawiithanani nyuwaano, kihoollelleni o nlluku noorekama okikhwaranya miyaano.

Masalimo 16:10

Miyaano oororomelleyaanyu, khamukihiya o ellapo ya ookhwa, khamwaakhullella wi kuntelle mu mahame.

Mitteko 2:27

kaambiiwa kinnakhulupilila wi khamukihiya o ellapo ya ookhwa, nave khamukihiya mi oororomelleyaanyu aweella wi kuntelle mu mahame.

1 Samuele 1:16

Muhikeese miyaano mutthiyana oohikhalla ni mutteko, kookhalla kivekellaka mwawi ddiidda kaambiiwa m'murimani mwaka mooddalla ethakaraka.

Maliro 3:55

Nyu Apwiya, kaawinllellani kiri munllitini noowallamella.

Ezekiele 26:20

Kineerewuukuhella vatthi wi okhalle vamodda ni athu akhalle ayo yakitthenlle omahame. Kineerewuukitthihella ollitininko vamodda ni athu yakhwille khalle wonanko ntepe natthaamiwe khallekhalle. Sika khowa okhalla ni athu mu ellapo ya ookumi.

Ezekiele 31:14

Nndda ddineereweereya wi vihikhalle muteekho naari mmodda wa mukhwipi mwa muhinje oyo onaarekame wunchichi apaalle oyo etthoka ddiwa ddinaaphiye oddullu. Vihikhallettho miteekho ddimodda ddawaakhella phaama maaddi nnddo ddinaarekame ophiyera oddullu. Vawi ddittheddenennddo omalla wiwa tti okhwa, oya vatthi va ellapo wi ddakhalle vamodda ni athu ookhwa, ayo yavollowille khalle mu mahame.’

2 Epilli 33:12

Vano aariiye mu ddookatamiha, ahaaveka Apwiya Mullukwaaye wi emweerelle echifundo nave ahiiyeviha wunchichi vamiitthoni va Mulluku a makhollwaaye.

Luka 11:10

Vawi attheene ayo enaveka eneerewaakhella nave ayo enaashaasha eneerophwanya nave oyo anookotha aneerohullelliwa nchiwi.