Yona 2:1 - Mawu a Mulluku

¹ Vano Yona ari m'mirimani mwa ehomba, ahaamba waallapella Apwiya Mullukwaaye.

Yona 2:1 ပူးပေါင်းရင်းမြစ်များ

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Yobu 13:15

Naari akiiphe, kineromuroromellave, kinerotthopoolla mullatwaaka vamiitthoni vaye,

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Yakobo 5:13

Ethiyo ookhallavo mmodda a nyuwaano ari mu ddoohoosa? Avekelle. Ethiyo ookhallavo mmodda a nyuwaano anahakallalla? Iipe ddoomutitimiha Mulluku.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

1 Mamwene 17:4

Wawiryeke m'muhinjenimmo nave kohaalamula anakhuku wi yuuchiheke wenko.