Yona 1:9 - Mawu a Mulluku

⁹ Yona ahaakhulla wi, “Mi tti Muheberi, kinaallapella Apwiya Mulluku ooddullu, ayo yapangille mutunda ni enyanja.”

Yona 1:9 ပူးပေါင်းရင်းမြစ်များ

Nehemiya 9:6

Nave Aisraele yaavekella wi, “Nyeeneve sika muri Apwiya. Mwaaphatusa oddullu ni etheneeri ddooddullu. Mwaaphatusa ellapo yavatthi ni enyanja ni ddittheddene ddiri mwemmo mwaaddivaha okumi. Ddittheddene ddooddullu ddinnuukokhorellani ddinuullapellani.

Masalimo 136:26

Muthokozeni Mulluku ooddullu, echikondiiwa yoohisintheya tti ya enthawi yoohimalla.

Nehemiya 1:4

Kiiwalleemi mawu yaalla, kaakeraatthi kininlla. Kahinlla nave kaahalla ocha* wa mallapo manchichi nave kaavekella wa Mulluku ooddullu.

Ezara 1:2

“Nndda sika mwene Kirusi a o Persiya analloteeye wi Apwiya Mulluku a oddullu aakivaha moomwene mattheene a va ellapo yavatthi nave aakilamula wi kaamakellettho enyumba o Yerusalemu a o Yuda.

2 Mamwene 17:28

Sika mmodda mwa allupa mukutho ayo yaaphanriiwa o Samariya aawa o Betele aamba waahuddiha athu waallapella Apwiya.

2 Mamwene 17:25

Koma vawaamba yakhalliiwa wenko, kheyaallapella Apwiya. Sika ekaambiiwa Apwiya yarumihalliiwa mikango variyari viwa ddiwiipha amodda mwa alliwa.

Genesis 14:13

Koma muthu mmodda athawille aawa nave amulleella ddittheddene Abramu, Muheberi. Abramu akhalla vakhuviru ni miteekho dda muthundu dda Mamure Muamori, mwanamunne a Eshikolo ni Anere ayo yiiwanana ni Abramu vakhotoni.

Yawuupullulla 16:11

Nave yaamullotella epewe Mulluku Muullupalli ekaamba ya ovoreya wa makhwataayo. Koma kheyaahiyalle weera machimwiiwa.

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

Afilipi 3:5

Miyaano kayariweemi kaaphaddiwa va nllapo naneetthanu ni raru. Mi tti Muisraele a nlloko na Benjamini, Muheberi ooyariwa mwa Aheberi. Moollikana ni malamulo a Ayuda, miyaano kaari Mufarisi.*

Mitteko 27:23

Vawi mahiiyu a oddillo mungelo a Mulluku, Mulluku oyo kiriimi aaye ni oyo kinamullapelleemi, aakiweella,

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Yobu 1:9

Satana aawaakhulla Apwiya wi, “Ethiyo Yobu anamoova Mulluku nivuddove?

Nehemiya 2:4

Nave mwene aakikoha wi, “Vano wapaalla okiveke tini?” Sika kaavekella wa Mulluku ooddullu.

Ezara 5:11

“Nave yaanaakhulla wi, ‘Hiyaano tti oorumeyella a Mulluku ooddullu ni ellapo yavatthi nave nirina omakattho enyumba eyo yamakiwe miyakha ddinchichi ddivirallennddo eyo mwene muullupalli a o Israele ayimakilleeye ni oyimalliha.

Genesis 39:14

aawiithana akaporo a mpammo, aalleella wi, “Ngoonani nndda! Mamunaka aawaana Muheberoolla mpammu wi aniphudde hiyaano. Olliye aakivollowella ochipindani waka nave aheeseesa wi akone ni miyaano koma miyaano kaakhuwa wi athu ekithamakelle.

Eksodo 1:15

Sika mwene a o Iguputoolle aallota ni Sifira ni Puwa, azamba ayo yaakavihera atthiyana a Eheberi vooyarani wi,

Eksodo 2:13

Osaka wene awiillettho, aawoona Aheberi eelli ewanaka. Nave aamukoha oolakwooyo wi, “Ethiyo kaambiiwa tini onamuukutheewe Muheberi mukhwaawo?”

Genesis 1:10

Mutundooyo aawuromolla “Ellapo” nave maaddi ootthukumanaayo ahaaromolla “Enyanja.” Nave Mulluku ahoona wi nndda ddaari ddaphaama.

Genesis 24:7

Apwiya Mulluku Muullupalli, aakikusa owanihu mu nibanja na attiitthaaka ni mu ellapo kayarelliweemimo nave aakilonjeza moollupella wi, ‘Ellapo ella kineerovaha edduullu ddawo.’ Apwiya eneeromuruma mungelwiiwa uuhoollelle nave wenko oneeromwaashera mutthiyana mwanaka.