Yona 1:6 - Mawu a Mulluku

⁶ Vano kaputeni a echombo aaphiya wa Yona nave aamukoha wi, “Ethiyo we namakona, onaphuravo tini vaava? Venya! Vekella wa mullukwaawo! Apaalle ttuunimoriwella ethakaraka wi nihoonongeye.”

Yona 1:6 ပူးပေါင်းရင်းမြစ်များ

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

2 Samuele 12:22

Davide aallota wi, “Mwanaka aariiye mukumi, kaanakhoota ocha nave kaaninlla vawi keehina, ‘Anadduwella ttaani, mwaamodda apaalle Apwiya ttuukeerella echifundo wi, mwaanooyo akhalle mukumi?’

Aefeso 5:14

Vawi erive ello enuupullulliwa phaama ennakhalla mu owala. Ella sika ekaambiiwa onallotiwa wi, “Venya, mullupa ookona, nave venya wa ookhwa, nave Khrisitu aneerewuumolleella.”

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.

Mitteko 21:13

Koma aallota wi, “Kaambiiwa tini, muninlleenyu mookivoriiha murima ddiidda? Miyaanothi kookhozeka ohiri omakiwave o Yerusalemunko koma naari okhwa ekaamba ya Apwiya Yesu.”

Yowele 2:11

Apwiya ennakhuwella milloko ddiwa ddakhoto, oowiiwellellaayo tti amasiva nave ooheerengeya. Nllapo na Apwiya tti nuullupalli nave nawoopiha. Ethiyo ttaani anaavulluwe?

Ezekiele 18:2

“Kaambiiwa tini nyu athu a o Israele munaddivelliweenyu wuulluulla mwambi wawi ‘Makhollo aacha mpesa ddoohiithwa koma anamwani sika eruruvanlle miino?’

Yesaya 3:15

Ethiyo munaapaneella tini athwaaka? Ethiyo kaambiiwa tti tini munaachelleenyu matthu va muru athwaaka? Mi Apwiya Mulluku Amasiva Mattheene koollota.”

Masalimo 107:6

Vano athwaalle yahinllella wa Apwiya, yaariiwa mu ddookatamihannddo, Apwiya yahaavullusa.

Masalimo 78:34

Aawiiphaka amodda oohalla yaanamwaashaasha, yaanahokollowa enamwaashaasha Mulluku ni murimiiwa muttheene.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Aroma 13:11

Munaphwanella wi mweereke ddiidda kaambiiwa munnadduwella wi enthawi yookwakhwana yawi muvenye. Vawi vano oovullusa ohaatamella ohiyana ni enthawi eyo naambeelleehu okhulupilila.

Yona 3:8

Athu attheene eware mathumba. Enamattho ddikhuneelliwe ni mathumba. Arive muthu avekelle ni murima muttheene wa Mulluku. Ddawoona, arive muthu ahiye weera makhallellwaaye oonanara ni akhoto.