Yona 1:16 - Mawu a Mulluku

¹⁶ Vawoonani ddoottikhinihandda, aweetiha echombwaalle yaawoova wunchichi Apwiya. Vano yaalonjeza ovelleella moororomelleya ddeko yallupenlliiwa wa Apwiya.

Yona 1:16 ပူးပေါင်းရင်းမြစ်များ

Masalimo 107:22

Evelleelle mikutho ddoothokozella ni ollalleya mitteko dda Apwiya, vawiipani machipo oohakallalla.

Masalimo 50:14

Koma muthokozeni Mulluku wonanko mukutho, mweere ddittheddene mwallupenlleenyu wa Amasiva Mattheene.

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

Mitteko 5:11

Mpingo muttheene ni athu amodda attheene ayo yiiwalle ddenndda yahoova.

Mariko 4:31

Omwene wa Mulluku tti wonanko mmiddo wa muteekho wa masitadi. Vano waamiddiwaka muthayani onakhalla ori wooyevesesa ohiyana ni orive mmiddo mu ellapo yavatthi.

Yona 1:10

Yona aavirellella waalleella wi olliye aathawa Apwiya. Aweetiha echombwaayo yaatthukumella mwawoova wunchichi vawi yaallota wi, “Ethiyo weerille tini?”

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Yesaya 26:9

Murimaaka onnawuupuwellani mahiiyu mattheene, munepaaka muwarimmu onnawaashaashani. Nyu mwaaweeruzaka ellapo yavatthi, attheene ookhallamo ennahuddera echilungamo.

Oollalleya 5:4

Wallupella ello wa Mulluku ohinasellihaka oyeera vawi Mulluku khanahakallalla ni ddookarangeya. Nnddo oddillupenlleewe oddeere.

Masalimo 116:14

Kineereweera nnddo kallupenlleemi wa Apwiya vamiitthoni va athwiiwa attheene.

2 Mamwene 5:17

Vano Naamani aallota wi, “Mwaakhoota, mukaakhullelle mi kaporwaanyu wi kikusewo ethaya yookwakhwana otukhulliwa ni abulu eelli kirowekena. Vawi waambeella ollello mi ngiwa kivelleellakattho mukutho wooshellelliha apaalle orive mukutho wa mulluku mmodda koma wa Apwiya.

Oweeruza 13:16

Koma mungelo a Apwiya aamulleella Manowa wi, “Naari mukisellihe, mi ngicha. Koma wakhalla mukutho wooshellelliha, muwuvelleelle wa Apwiya.” (Enthawi ettheeneeyo Manowa khaadduwella wi tti mungelo a Apwiya.)

Genesis 28:20

Vano Yakobo aallupella wa Mulluku wi, “Mwakhalla ni miyaano nave mwakiteteza phaama voolendonaakoolla navettho mwakivaha ddoocha ni ddoowara,

Yona 1:14

Vano yahaamba winlla moovekella wa Apwiya wi, “Nyu Apwiya, ninuuvekani muhaakhullelle wi hiyaano nikhwe ekaamba ya okumi wa muthu olla. Muhiniipe mullatu ekaamba yoomwiipha muthu oohichimwa ello. Ddittheddenenndda ddeereyille ekaamba ya opaalla wa nyuwaano Apwiya.”

Yobu 37:24

Sika athu ennamoova olliye, khanampwatha arive muthu oyo aniilleka wi tti eezeru.”

Yeremiya 5:22

Mi Apwiya kinakoha wi, “Kaambiiwa tini muhinakooveenyu? Kaambiiwa tini muhinatthukumellaanyu vamiitthoni vaka? Mi sika kahiyalle mihava wi okhalle malire a enyanja, malire ayo enyanjeeyo khenawora waakhwaranya. Mafunde naari enyaruwe mwawiidde, khenawora okhwaranyavo. Naari enyakulle mwawiidde, khenawora okhwaranyavo.