Yohane 9:6 - Mawu a Mulluku

⁶ Aallotilleeye nndda aattaphera vatthi eettheya ethaya ni maraalle nave amara matokwaayo vaddullu va miittho a muthooyo,

Yohane 9:6 ပူးပေါင်းရင်းမြစ်များ

Mariko 8:23

Yesu aamuphara nnatta oohoonooyo amukusella otte wa muzi. Nave aattapha mare ahella m'miitthoni mwa muthooyo, iiyaatthi mattaaye va muthooyo, amukoha wi, “Onoona tini?”

Mariko 7:33

Vano Yesu aamukusa ayaana vayeekha, voorekama ni mulloko waathwaayo. Nave Yesu aavollochiha eyaalla ddaye m'maaruni mwa muthooyo, attapha mare nave aahella vanllumini na muthooyo.

Yawuupullulla 3:18

Vano kinaaka kuulleelleni wi, mumukulle golide ooreerihiwa wa miyaano wi mukhallena eyuuma. Mukullettho ddoowara ddaweella wi muware ni okhuneella epwillimwinddaanyu. Mukulle murete woohella m'miitthoni mwanyu wi mooneke.

Yesaya 35:5

Vaavo miittho a oohoona eneere woona, maaru a oohiiwa eneerohulleya.

Yohane 9:11

Ahaakhulla wi, “Muthu ooromolliwa Yesu aheettheya ethaya amara vaddullu va miitthwaaka nave akilleella wi kiye o Shilowamu kasuusule owiitthoni waka. Sika kaayaawo kasuusulla nave kahoona.”