Yohane 9:34 - Mawu a Mulluku

³⁴ Yaamwaakhulla wi, “We waari khalle oochimwa wayariweewe. Nave weyaano ttuunihuddiha hiyaano?” Vano kheyaamwaakhullenlle ovollowa mu enyumba yamavekello ovenyera nllapo nenno.

Yohane 9:34 ပူးပေါင်းရင်းမြစ်များ

Yohane 9:22

Makhollwaayaayo yaallotille ddenndda kaambiiwa yawoova attekweene a Ayuda vawi Ayudaayo yahiiwanana khalle wi arive muthu oyo anaallote wi annakhulupilila wi Yesu tti Mesiya* ahaakhullelliweke ovollowa mu enyumba yamavekello

Yohane 9:2

Oohudderaaye yaamukoha wi, “Ahuddihi, achimwalle ttaani wi muthu olla ayariwe oohoona, olliyoolla apaalle attiitthinnya ni amennya?”

Yesaya 66:5

Nyu ootthukumella Apwiya yaallotaka, iwani mawu a Apwiya. Alliwa enallota wi, “Abalaanyu ayo eniitana ni nyuwaano ni wuukhootani ekaamba ya nnddina naka enallota wi ‘Apwiya etitimihiwe wi hiyaano noone ehakallallwaanyu.’ Koma alliwa sika enaawulliwe muru.

Luka 18:17

Ddawoona, kinimuulleellani wi, muthu oohaakhullella omwene wa Mulluku wonanko mwaana aneerelleeye khavollowamo.”

Masalimo 51:5

Ddawoona, kaayarelliwa mu machimo, kaakhalla mu machimo waambeella mvo amoowaaka yakusalliiwa erukullu ya miyaano.

Yobu 25:4

Ethiyo muthu ttuulungama mwawiidde vamiitthoni va Mulluku? Ethiyo ooyariwa mwa mutthiyana aneelle mwawiidde?

Genesis 19:9

Koma alliwaayo yaallota wi, “Onivenyerevo mullupa oovirawe! Weyaano ttaani wi onilleelle yaweera? Vano ttuuwora wuuhoosa wunchichi okhwaranya alliwaayo.” Sika yaamukakha Lotooyo nave yahanlle vang'ono wi yinttake nchiwi.

Yawuupullulla 13:17

Yeerille ddiiddo wi ahikhallevo muthu anaakulle apaalle okulliha ahinadindiwe. Yeella sika nnddina na enama yuullupalli yawoopiha apaalle echiwerengero yoottaphullella nnddina naye.

3 Yohane 1:9

Kaawulembella mpingo kalata koma Diotrefe oyo anapaalla okhalla oohoollelliiwa, khaniiwellella kinalloteemi.

1 Petro 5:5

Emoddamoddave yeeyo asombwe nyu, munaphwanella muwiiwellelleke attekweenaanyu. Nave attheenenyu munaphwanella mwiiyeviheke wi murumeyellaneke vawi mawu a Mulluku eni, “Mulluku annaahiiha awiitukhulla koma annaweerella echifundo awiiyeviha.”

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Agalatiya 2:15

Ddawoona, hiyaano tti Ayuda ooyariwa ohiri athu oochimwa ayo ehiri Ayuda.

Yohane 9:40

Afarisi amodda yamwaatamenlle yaamwiiwa alloteeye ddenndda nave yaamukoha wi, “Hittho khaninoona?”

Yohane 9:35

Yesu iiwalleeye ddeereyillennddo, aamuphwanya muthu achirihiwoolle nave aamukoha wi, “We onnakhulupilila mwa Mwaana a Muthu?”

Yohane 8:41

Nyuwaano muneera wonanko attiitthaanyu.” Yahaakhulla wi, “Hi khanaayariwe muuraruwani, nookhalla ni Attiitthiihu mmodda, Mulluku.”

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Luka 14:11

Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Luka 11:45

Muhuddihi a malamulo mmodda aallota wi, “Ahuddihi, mwaallotaka ddiidda munanillotella epewe hiyaano.”

Luka 6:22

“Oodalisiwa tti nyuwaano athu yawiitani, yuukhootani, yuullotellani epewe ni wuullotellani wi tti oonanara, ddittheddenennddo kaambiiwa muri oohuddera a miyaano Mwaana a Muthu.

Yesaya 65:5

Nave ennaalleella amodda wi, ‘Venyanivoni, muhinaatamelle kaambiiwa hiyaano tti oopatuleya.’ Miyaano ngiwora ovillella ni athu yaalla vawi owallaaka va alliwa tti wonanko munllo woohithiima.

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Miyambo 26:12

Ethiyo woomoona muthu oyo anaddeesa eezeru? Muthu ookarangeya ookhalla etiyerello omukhwaranya yooyo.

Miyambo 22:10

M'mwiikarihe muthu oovevulla nave okangana, ekhoto ni ovevullana oneeromalla.

Yobu 14:4

Ethiyo ttaani anaakhumihe yaphaama mu yoonanara? Khaavo naari mmodda.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

Eksodo 2:14

Olliyoolle aamukoha Mose wi, “Ethiyo ttaani aweerille wi okhalle muullupallaahu nave aweeruzaahu? Ethiyo onapaalla okiiphe wonanko wamwiiphelleewe Muiguputoolle?” Vano Mose ahoova wunchichi nave aaganiza wi, “Haa, athu ennadduwella keerilleeminndde!”

3 Yohane 1:10

Sika miyaano kawa kineeromuupusa mitteko aneereeye. Olliye annakillotella ddoonanara. Nave ddenndda khaddinamukwakhwanella, olliyettho khanawaakhella ookhulupilila akhwiihu yawa. Navettho annaahiiha ayo enapaalla owaakhella ookhulupilila akhwiihwaayo ni waachosa mumpingoni.