Yohane 8:58 - Mawu a Mulluku

⁵⁸ Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

Yohane 8:58 ပူးပေါင်းရင်းမြစ်များ

Eksodo 3:14

Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Akolose 1:17

Khrisitu aakhallawo ddeko ddittheddene ddihinakhallewo nave ddeko ddittheddene ddoomakellelliwa vamodda mu eyaattano ni olliyooyo.

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Aheberi 13:8

Yesu Khrisitu tti yooyo oddillo, ollello ni mallapo mattheene.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Yesaya 48:12

Apwiya enallota wi, “Nyu Yakobo ni Israele, kaapelleni maaru, nyuwaano ayo kiwiithanilleemini. Miyaano sika Mulluku, kiri awaambeella ni oomallihella.

Yawuupullulla 2:8

“Omulembelle oohoollella a mpingo wa o Smurina wi, “Alla sika mawu oovenyera wa oyo ari awaambeella ni oomallihella, oyo akhwille koma vano ookhallattho mukumi awi,

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Yesaya 43:13

Mi tti Mulluku nave kineerokhallavove, khaavo anaawore othawa m'mattani mwaka apaalle orukunusa mitteko ddaka.”

Yesaya 46:9

Muupuwelle ddakhallenndde, miyaano sika Mulluku, khaavottho mmodda. Ddawoona, Mulluku tti miyaano, khaavottho mmodda wonanko miyaano.

Yesaya 44:8

Muhitathille murima, muhoove. Ethiyo ovenyera khallekhalle nguulleelleni ni wuusimikizellani ddenndda? Nyuwaano muri ambonaaka. Ethiyo ookhallavottho Mulluku mmodda okihiya miyaano? Iyaayi, khaniivottho nlluku nimodda, nginadduwella naarimi nirivo nimodda.”

Yohane 8:51

Ddawoona, kinimuulleellani wi, oyo anasunga mawaaka m'murimani mwaye khawa akhwa.”

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Yohane 8:34

Yesu ahaakhulla wi, “Ddawoona, kinimuulleellani wi, oyo anachimwa tti kaporo a machimwaayo

Yohane 8:24

Sika kahuulleellani wi muneerokhwa ekaamba ya machimwaanyu vawi mwaahikhulupilila wi miyaano tti meene, muneerokhwa ekaamba ya machimwaanyu.”

Yohane 8:28

Sika aallota wi, “Mwakitthomeya vamutandani mi Mwaana a Muthu, muneerodduwella wi miyaano tti meene. Vano muneerodduwellattho wi ngineera ddeko ni olamulello wa meekhaaka koma kinallota nnddo Attiitthaaka yaakihuddihalliiwa wi killote.

Yohane 10:25

Yesu ahaakhulla wi, “Kahuulleellani koma khamunakikhulupilila. Ddeko nndda kineereemi mu olamulello wa Attiitthaaka, ddinnavelleella omboni.