Yohane 8:53 - Mawu a Mulluku

⁵³ Ethiyo nyuwaano tti muullupalli ohiyana ni Abrahamu oyo akhwille? Nave anamallotella yakhwillettho? Vano nyuwaano munaddeesa aani?”

Yohane 8:53 ပူးပေါင်းရင်းမြစ်များ

Yohane 4:12

Yakobo, nikhollo nahu, sika aanivahille ehime yeella nave aawiryamo, olliye ni anaaye ni eziweto ddaye. Nyuwaano tti oomukhwaranya Yakobo?”

Aroma 9:5

Alliwaalla tti edduullu dda Aisraele makhollo oovuwaalle ayo yaari makhollo a Khrisitu mwa omuthu. Mulluku oyo analamulella ddeko ddittheddene atitimihiwe enthawi yoohimalla! Amen.

Yohane 19:7

Ayudaalle yaamwaakhulla wi, “Nookhalla ni malamulo awi anaphwanella okhwa kaambiiwa ahiiromolla yeekhaaye Mwaana a Mulluku.”

Yohane 12:34

Athwaalle yaamwaakhulla wi, “Nahiiwa hiyaano m'malamuloni wi Mesiya* aneerokhalla ni okumi woohimalla. Sika kaambiiwa tini nyuwaano munallotelleenyu wi Mwaana a Muthu anaphwanella otthomeyiwa vamutandani? Mwaana a Muthu yoolla ttaani?”

Yohane 10:33

Ayudaalle yaamwaakhulla wi, “Khaninuuvokha malluku ekaamba ya mitteko ddaphaama koma kaambiiwa onamullotella epewe Mulluku.” Vawi weyaano tti muthu koma onaddeera wi ori Mulluku.

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

Yohane 5:18

Ekaamba ya yeella Ayuda yahaanjerera opaalla omwiipha vawi khaathwanre lamulo na nllapo na Sabata navettho aanamweera Mulluku wi tti Attiitthinnya wiillikaniha yeekhaaye ni Mulluku.

Mateyu 12:6

Vano kinimuulleellani wi vookhalla mmodda vaava muullupalli ohiyana ni enyumba ya Mulluku.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Mateyu 3:9

Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.