Yohane 8:51 - Mawu a Mulluku

⁵¹ Ddawoona, kinimuulleellani wi, oyo anasunga mawaaka m'murimani mwaye khawa akhwa.”

Yohane 8:51 ပူးပေါင်းရင်းမြစ်များ

Yohane 5:24

“Ddawoona, kinimuulleellani wi, oyo aniiwa ni wiiwellella mawaaka nave anakhulupilila mwa yooyo aakirumalle ookhalla ni okumi woohimalla. Yoolla kheeruziwa koma ookhuma khalle wa ookhwa avollowa mu okumi.

Yohane 15:20

Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

Yohane 6:50

Koma buledi oovenyera oddullu ookittha wi arive muthu oyo anaamuche ahikhwe.

Luka 2:26

Nave Munepa Waweellooyo aamuwululella wi khakhwa ophiyera amonne Mesiya* oovenyera wa Apwiya.

Aheberi 11:5

Ekaamba ya echikhulupililo, Enoki aakusiwa ni Mulluku oya oddullu ari mukumi vawi khaavo oonille mutembwaaye. Mawu a Mulluku tti mboni wi ahinakusiwe oya oddullu aheera ddoomuhakallalliha Mulluku.

Masalimo 89:48

Ethiyo ttaani anaawore okhalla ni okumi, woohikhwa, ovullusa okumaaye o ellapo ya ookhwa?

Yohane 8:55

Nave nyuwaano khamunadduwella koma miyaano kinnamudduwella. Nave kallota wi nginamudduwella kinaakhalle awoottha wonanko nyuwaano. Koma miyaano kinnamudduwella nave kinnasunga mawaaye m'murimani mwaka.

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

Mateyu 16:28

Ddawoona, kinimuulleellani wi, aakhallavo amodda vaava khewa ekhwa ophiyera ekoonille mi, Mwaana a Muthu kiwaaka wi kilamulelle wonanko mwene.”

Yohane 8:52

Ayudaalle yaallota wi, “Vano noodduwella wi mookhalla ni munepa woonanara. Abrahamu aakhwa nave anamallotella yaakhwa. Sika nyuwaano munihina, ‘Muthu anasunga mawaaka m'murimani mwaye khawa akhwa.’

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Aheberi 2:9

Koma ninnamoona Yesooyo va enthawi yooyeva avevulliwe, akhwaranyiwe ni angelo wi mwa echisomo ya Mulluku aakhwa munipuroni mwa athu attheene. Nave ekaamba ya okhwa oonilleeye, aavahiwa oriiheya ni olemu woomwene.