Yohane 8:36 - Mawu a Mulluku

³⁶ Sika miyaano mwaana a Mulluku kuuttaphullani, muneerottaphulliwathi.

Yohane 8:36 ပူးပေါင်းရင်းမြစ်များ

2 Akorinto 3:17

Vano, Apwiya mu etima yeella tti Munepa nave mvo vinakhalla Munepa wa Apwiya vookhalla ottaphuwa.

Agalatiya 5:1

Khrisitu oonittaphulla hiyaano wi nikhalle oottaphulliwa! Vano imellani moollipa wonanko athu oottaphulliwa nave muhihokollweelle okhalla akaporo wiillittho.

Aroma 8:2

Vawi malamulo a Munepa Waweella, ayo enanivaha okumi mu eyaattano ni Khrisitu Yesu, yookittaphulla miyaano o malamulo a machimo ni okhwa.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Masalimo 119:133

Seerani meetellwaaka moollikana ni mawaanywaalle, muhinaakhullella wi nirive nichimo nikilamulelleke.

Masalimo 119:32

Kineerothwara moohakallalla ettilla dda malamulwaanyu, mwakoonjerera ezeru.

Masalimo 19:13

Muhaakhullelle wi oorumeyellaanyu achimweke phudda ahilamulelliweke ni machimo. Vano kineerokhalla oolungama, ohikhalla ni mullatu wa machimo muullupalli.

1 Akorinto 7:22

Vawi kaporo oyo iithaniwe ni Apwiya tti oottaphulliwa vamiitthoni va Apwiya; emoddamoddave yeeyo muthu oyo ahiri kaporo iithaniwe ni Khrisitu tti kaporwaaye.