Yohane 8:34 - Mawu a Mulluku

³⁴ Yesu ahaakhulla wi, “Ddawoona, kinimuulleellani wi, oyo anachimwa tti kaporo a machimwaayo

Yohane 8:34 ပူးပေါင်းရင်းမြစ်များ

Aroma 6:16

Ethiyo munnadduwella wi mwiivelleella wa muthu mmodda muneerokhalla akaporo oomwiiwellella, munakhalla akaporo a yooyo? Mwakhalla akaporo a machimo muneerokhwa koma mwakhalla akaporo a Mulluku muneerokhalla oolungama vamiitthoni vaye.

2 Petro 2:19

Ennaalonjeza ottaphuwa koma alliwaayo tti akaporo a makhallello a woononga. Vawi muthu anakhalla kaporo a erive ello enamulamulella.

Miyambo 5:22

Ddoonanara dda muthu ddineeromuphara yeekha nave aneeromakiwa ni mikwe dda ochimwa waye.

Aroma 6:12

Sika muhaakhullelle wi machimo evirellelle olamulella makhallellwaanyu akhalle wi eweeriheni wiiwellella minkhella ddiwannddo.

Aroma 6:6

Nave ninnadduwella wi makhallellwaahu akhalle aakhwa vamodda ni Khrisitu vamutandani wi masiva a makhallellwaahu oochimwa yoonongiwe wi nihikhalle akaporo a machimo.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Aroma 7:25

Mulluku athokoziwe, oyo aneera ddenndda oweella mwa Apwiihu Yesu Khrisitu! Sika vano miyaano kinniiwellella malamulo a Mulluku ni murima waakave koma omuthwaaka oniiwellella malamulo a machimo.

1 Mamwene 21:25

Khaarivo naari mmodda iikullihalle vaweerani ddoonanara vamiitthoni va Apwiya wonanko Ahabu oyo akopiwe ni mwaariye Yezebele.

Aroma 8:21

wi erive ello eyo yaphatusiwe, nllapo nimodda, eneerottaphulliwa mu okaporo wa eyuute nave eneerokhalla mu ottaphuwa owaaka mu ntitimiho na anamwani a Mulluku.

Aroma 7:14

Ninnadduwella wi malamulo tti a Munepa Waweella koma miyaano tti muthu vawi kookullihiwa mu okaporo wa machimo.

Mitteko 8:23

Vawi kohoona wi wookhalla ni ehache yuullupalli ni wi woomakiwa ni meerellwaawo oonanara.”

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Mateyu 5:18

Vawi kinimuulleellani ddawoona wi, ophiyera oddullu ni ellapo yavatthi ddimallille, khaviwa vivenyihiwa nlemba ning'onong'ono nimodda naari etthoka emodda va malamulwaalla ophiyera ddittheddene ddeeriwe.