Yohane 8:33 - Mawu a Mulluku

³³ Yaamwaakhulla wi, “Hi niri edduullu dda Abrahamu nave khannakhallekevo akaporo a arive muthu. Munaaka tini voollotani wi, ‘Muneerottaphulliwa?’ ”

Yohane 8:33 ပူးပေါင်းရင်းမြစ်များ

Mateyu 3:9

Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Yohane 8:39

Yaamwaakhulla wi, “Attiitthiihu tti Abrahamu.” Yesu ahaakhulla wi, “Mwaariki anamwani a Abrahamu mwaawerekeweera wonanko mmo Abrahamu eerelleeye.

Yohane 8:37

Koodduwella wi nyuwaano muri edduullu ya Abrahamu. Naari mupaallaka okiipha miyaano kaambiiwa khamunapaalla osunga mawaaka m'murimani mwanyu.

Genesis 15:13

Sika Apwiya yaamulleella wi, “Odduwelle moosimikiza wi edduullu ddawo ddineerokhalla alleto o ellapo yaaneena, ddineerokhalla wonanko akaporo nave ddineerohoosiwa wa miyakha 400.

Yohane 19:25

Vakhuviru ni mutanda wa Yesu vahiimella amennya ni mwanamunniwa ni Mariya mwaara a Kleopa ni Mariya Magadalena.

Ezara 9:9

Vawi hiyaano naari akaporo koma Mullukwaahu khamwaanihiyalle mu okaporwaahu. Koma mwaanooniha echikondaanyu yoohisintheya vamiitthoni va mamwene a o Persiya, onihihimulla wi nimake enyumbaanyu, nipotokose matepiiwa navettho mooniteteza mu Yuda navettho mu Yerusalemu.

Oweeruza 4:3

Vano Aisraele yahinllella wa Apwiya wi aakavihere vawi Sisera aakhalla ni magareta a mikoko 900 nave ahaahoosa mweekuku Aisraele wa miyakha 20.

Oweeruza 3:8

Ekaamba ya yeella Apwiya yahaashella murima Aisraelaayo, emweeriha Kushani Rishataimu, mwene a o Mesopotamiya wi aagonjihe Aisraelaayo. Sika Aisraelaayo yaamurumeyella mwene Kushani Rishataimu wa miyakha mitthanu ni miraru.

Oweeruza 2:18

Erive enthawi Apwiya yaatthoollella oweeruza, Apwiyaayo yaanakhalla ni olliyooyo. Nave ooweeruzooyo aanaavullusa Aisraele wa adaniiwa enthawi ettheene yookumaaye. Apwiya yaanaamorella ethakaraka alliwaayo yaakhupanyaka ekaamba ya ayo yaakatamiha ni waanyingallella.

Levitiko 25:42

Aisraele tti oorumeyellaaka ayo kaakhumihalleemi mu ellapo ya Iguputo, sika ehikullihiwe wonanko akaporo.

Luka 3:8

Mweereke ddeko ddawooniha wi moorukunuwa murima wonanko muteekho onimma ezipaso ddaphaama. Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Yohane 8:43

Khamuniiwesesa ddoollota ddaka kaambiiwa tini? Kaambiiwa khamunapaalla wiiwa mawaaka.

Aroma 9:7

Naari khe edduullu ddittheddene dda Abrahamu ddiri anaaye. Mulluku aallota wa Abrahamu wi, “Oneerokhalla ni edduullu oweella mwa Isaki.”