Yohane 8:31 - Mawu a Mulluku

³¹ Vano Yesu aallota ni Ayuda alle yaakhulupilila mwa olliye wi, “Mwaasungaka mawaaka m'murimani mwanyu ndithu nyuwaano tti oohudderaakathi

Yohane 8:31 ပူးပေါင်းရင်းမြစ်များ

2 Yohane 1:9

Oyo ahinasunga ehuddiho ya Khrisitu koma anoonjereravo, khanna Mulluku. Oyo anasunga ehuddiho yeella ookhalla ni Attiitthinnya ni Mwaaneene.

2 Timoteo 3:14

Koma weyaano virellella ollipihella okhulupilila yawoona eyo wahuddenreewe nave oyisimikinzeewe. Onnaadduwella ahuddihaawo,

Yakobo 1:25

Nave oyo anaakhella malamulo aphaama wunchichaalla, oovaha ottaphuwa, aawaathwaraka, aahikhalla awiiwa ni ootiwalla nave aweerana mutteko aneerodalisiwa mu ddaweera ddiwa.

1 Timoteo 4:16

Wiiwehereke weekhaawo ni owehera ehuddihwaawo. Ollipihelleke ddenndda kaambiiwa vaweerani ddenndda oneerewiivullusa weekhaawo vamodda ni yaayo enawiiwa weyaano.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

1 Samuele 12:14

Mwaawoovaka Apwiya ni owiiwellella mawiiwa, mwaahiwukila malamulwiiwa nave attheenenyu ni mwenaanyu mwaawaathwaraka Apwiya Mullukwaanyu, ddineerekoweetellani phaama.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

1 Yohane 2:24

Vano simikizani wi othenga mwiiwalleenyu ovenyera vawaamba okhalleke m'murimani mwanyu. Othenga yooyo wakhalla m'murimani mwanyu, sika muneerokhalla mu eyaattano ni Mwaana ni Attiitthinnyaayo.

Aroma 11:22

Wehesesani phaama echifundo ya Mulluku ni owallaaye. Annawoopella owalli ayo echimwalle koma annaweerellani echifundo nyuwaano mwavirellella okhulupilila echifundwaaye. Nave mwaaheera ddiiddo nyuwaano Mulluku aneerowinttakani.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Mateyu 24:13

Koma oyo anaavillelle ophiya o mamallihello, aneerovulluwa.

Yohane 8:36

Sika miyaano mwaana a Mulluku kuuttaphullani, muneerottaphulliwathi.

Yohane 6:55

Vawi mwiillaaka tti yoocha yawoona nave nikhame naka tti yoowirya yawoona.

Mitteko 13:43

Athu yapallalleyiiwa va mutthukumanooyo, Ayuda anchichi ni athu ayo yahaari Ayuda koma yathwara echikhulupililo ya Ayuda yahaathwara Paulo ni Baranaba. Amurummwa eellaalla yahaalleella athwaayo ni waallipiha murima wi evirellelle okhulupilila echisomo ya Mulluku.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

Aheberi 8:9

Khekhallattho wonanko echipangano elle kakeraatthilleemi ni makhollwiiwa, va nllapo kaakusalleemi ni nnatta naka, kaahollelleemi vawaakhumihani mu Iguputo. Vawi kheyaaroromelleye voothwarani echipangano nakeraatthihalleehu, nave sika nameenettho ngaawapwathille.

1 Timoteo 2:15

Koma mutthiyana anaavullusiwe vawaayarani anamwani, avirellella okhalla mu echikhulupililo, echikondi, weella murima ni moophwanellella.

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Mitteko 26:22

Nave ophiyera ollello Mulluku sika akikavihere nave kiimenlle vaava ovelleella omboni wa athu attheene, attekweene ni aniiwa. Kinalloteeminndda ddaallotiwattho ni anamallotella owaaka Mose wi ddineereweereya,

Yohane 2:2

Navettho Yesu ni oohudderaaye yahiithaniwa wuukwatininko.