Yohane 8:28 - Mawu a Mulluku

²⁸ Sika aallota wi, “Mwakitthomeya vamutandani mi Mwaana a Muthu, muneerodduwella wi miyaano tti meene. Vano muneerodduwellattho wi ngineera ddeko ni olamulello wa meekhaaka koma kinallota nnddo Attiitthaaka yaakihuddihalliiwa wi killote.

Yohane 8:28 ပူးပေါင်းရင်းမြစ်များ

Yohane 5:30

“Nginawora weera ello miyaano meekhaaka. Kinaweeruza moollikana ni mmo Attiitthaaka yakilleellelliiwa, sika echiweruzwaaka eri yawoona kaambiiwa ngineera nnddo kinapaalleemi koma ddennddove anapaalla oyo aakirumalle.

Yohane 5:19

Yesu awaakhulla alliwaayo wi, “Ddawoona, kinimuulleellani wi, miyaano Mwaana ngiwora weera ddeko mwa meekhaaka koma kineera yeeyo kinooneemi Attiitthaaka yeeraka. Nnddo eneeriiwa, emoddamoddave yeeyo miyaano kinneerattho ddennddo.

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Yohane 3:14

Nave Mose aatthomeya niphwanaphwaniho na enowa vamuteekhoni muchipululuni, emoddamoddave yeeyo mi Mwaana a Muthu kinaphwanella wi kitthomeyiwe vamutandani,

Aroma 1:4

Moollikana ni Munepa Waweella, Mulluku aamutthoolla olliye ni masiva uullupalli wi akhalle mwanaye, Yesu Khrisitu, Apwiihu voomuvenyihani wa ookhwa.

Mitteko 4:4

Koma mwa athu yiiwalle othengooyo anchichi yaakhulupilila. Nave waata wa athu ookhulupilila wahaanjerereya ophiyera 5,000.

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Yohane 19:18

Yaamutthomeya vamutandani vaavo vamodda ni athu amodda eelli, mmodda o nnattanatta nave mmodda wuunyotthoni nave Yesu variyari.

Yohane 16:10

Alliwaayo tti oolakwa va dda echilungamo kaambiiwa kinaya wa Attiitthaaka nave khamuwa mukoona.

Yohane 11:42

Kinnadduwella wi munnakiiwa miyaano mallapo mattheene koma kinallota ella ekaamba ya athwaalla wi ekhulupilile wi mwaakiruma.”

Yohane 8:24

Sika kahuulleellani wi muneerokhwa ekaamba ya machimwaanyu vawi mwaahikhulupilila wi miyaano tti meene, muneerokhwa ekaamba ya machimwaanyu.”

Yohane 3:11

Kinimuulleella ddawoona wi, ninallota yeeyo ninadduwelleehu nave ninavelleella omboni dda yeeyo nonneehu koma nyuwaano khamunamukhulupilila ombonaahu.

Eksodo 3:14

Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Deuteronomo 18:18

Kineerewaarumihella namallotella wonanko weyaano oovenyera mwa abaliiwa. Kineeromulleella yawi allote nave olliye aneerewaalleella athu attheene nnddo kinamulamuleemi.

Mateyu 24:5

Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave eneerowoottottha athu anchichi.

Mariko 13:6

Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave eneerowoottottha athu anchichi.

Luka 21:8

Yesu ahaalleella wi, “Chenjerani wi muthu ahiwoottottheni. Vawi athu anchichi eneerophiya mu nnddina naka ni ollota wi, ‘Mi tti Mesiya,’* nave ‘Enthawi yookwakhwana’ koma muhaathware.

Yohane 4:26

Yesu aamulleella wi, “Mi kinallota ni weyaano tti meene.”

Yohane 8:27

Kheyaawiiwesesa wi Yesu allota dda Attiitthinnya.

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

Yohane 13:19

Kinuulleellani ddenndda ddihineereye wi ddeereya, mukhulupilile wi miyaano tti meene.

Yohane 18:32

Ella yaheereya wi mawu a Yesu oollota dda mmo anaakhwelleeye ekwakhwanelle.