27 Kheyaawiiwesesa wi Yesu allota dda Attiitthinnya.
Nave Apwiya yaallota wi, “Khawe waalleelle athu yaalla wi, ‘Wiiwa munniiwa koma khamuniiwesesa nave woona munnoona koma khamudduwellesesa.’
Oyo anavenyera wa Mulluku anniiwa mawu a Mulluku. Koma nyuwaano khe oovenyera wa Mulluku sika ekaambiiwa muhiniiweenyu.
Khamuniiwesesa ddoollota ddaka kaambiiwa tini? Kaambiiwa khamunapaalla wiiwa mawaaka.
Ninnaapapella esiri wonanko oohoona, wonanko oohikhalla ni miittho. Ninnakwakwatuwa otthaana wonanko misikuwa. Ddawoona, niri akumi komave niri wonanko ookhwa.
Kookhalla ni ddeko ddinchichi ddawi killote dda nyuwaano dda wuuvaanyihani. Koma oyo aakirumalle miyaano tti awoona nave kinalleella ellapo yavatthi ddennddove kiiwalleemi wa olliye.”
Sika aallota wi, “Mwakitthomeya vamutandani mi Mwaana a Muthu, muneerodduwella wi miyaano tti meene. Vano muneerodduwellattho wi ngineera ddeko ni olamulello wa meekhaaka koma kinallota nnddo Attiitthaaka yaakihuddihalliiwa wi killote.
