Yohane 7:51 - Mawu a Mulluku

⁵¹ “Ethiyo malamulwaahu ennamuvaanyiha muthu nihaambille omwiiwa olliye wi nidduwelle eyo enreeye?”

Yohane 7:51 ပူးပေါင်းရင်းမြစ်များ

Miyambo 18:13

Waakhulla ohinaapelle maaru tti okarangeya ni owulliha muru.

Deuteronomo 1:17

Muhiweheke ekhove vaweeruzani arive muthu, khaya muthu shisha apaalle oodduwanyeya, mumweeruze moollikana. Muhimooveke arive muthu kaambiiwa erive echiweeruzo tti wa Mulluku. Mullatu mmodda wuukatamihani, muweekena wa miyaano wi kiwukamulle.’

Mitteko 23:3

Nave Paulo aallota wi, “Mulluku eneerowuukutha weyaano, muthu awoottha, we tti wonanko esiri yoonanara eyo yeellihiwe! Okeraatthille vano wi okeeruze ollikana ni malamulo a Mose koma weyaano ohithwaraka malamulwaayo vawaalamulellani athu wi ekuukuthe miyaano!”

Deuteronomo 17:6

Muthooyo iiphiweke vaavove vaphwanyeya amboni eelli apaalle araru koma ahiiphiweke ekaamba ya omboni wa muthu mmodda.

Eksodo 23:1

“Ohinamoottheraka muthu mmodda. Ohilloteke omboni wawoottha nave ohimukavihereke muthu oolakwa voovelleellani omboni wawoottha.

Numeri 35:30

“Muthu mmodda amwiipha mukhwaaye, olliyooyo iiphiwettho amboni yavelleella omboniiwa. Koma muthooyo ahiiphiwe akhalla wi avelleelle ombonooyo tti muthu mmodda.