Yohane 7:38 - Mawu a Mulluku

³⁸ Nave muthu anakikhulupilila miyaano awirye wonanko mmo mawu a Mulluku enallotiiwa wi, ‘Mihinje dda maaddi ookumi ddineerokhuma ovenyera mwa muthu yooyo.’ ”

Yohane 7:38 ပူးပေါင်းရင်းမြစ်များ

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yesaya 58:11

Mi Apwiya kineerewuuhoollellani enthawi ddittheddene ni wuuvonihani ddaphaama navettho kineerollipiha miilli ddanyu. Munaakhalle wonanko emata yoohellelliwa phaama wonanko neetuutu oohiwelleella.

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Yesaya 12:3

Muneerohakallalla vooyaani woorika maaddi o aneetuutu a ovullusa.”

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Miyambo 10:11

Eyano ya muthu oolungama tti neetuutu a okumi koma muwano mwa oonanara munnavittha ekhoto.

Zekariya 14:8

Nllapo nenno maaddi ookumi eneerokhuma ovenyera o Yerusalemu. Hafu a maaddaayo eniithellelleke mu enyanja ya wookhuma nndduwa, hafu mmodda mu enyanja ya woovollowa nndduwa. Ddenndda ddineereyeke va enthawi yeellimwe navettho yooriirya.

Miyambo 18:4

Mawu a muwano mwa muthu tti maaddi oowallamella, neetuutu eezeru tti muhinje wooddalla.

Yesaya 59:21

Kineerokeraatthiha echipangano ni nyuwaano ovenyera ollello ophiyera wa enthawi yoohimalla. Munepaaka oyo ori mwa nyuwaano navettho mawaaka ayo kaahiyalleemi muwano mwanyu, kheddiwa ddivenya muwano mwanyu apaalle mwa aniinyu apaalle mwa edduullu ddanyu wa enthawi yoohimalla.”

Deuteronomo 18:15

nave eneerewuurumihellani namallotella wonanko miyaano oovenyera mwa abalaanyu nave mumwiiwellelleke olliye.

Aefeso 5:9

vawi owala sika oneeriha ddaphaama, echilungamo ni yawoona.

Yesaya 35:6

Oorakalla eneerollupha wonanko mphoyo, oohillota eneerewiipa moohakallalla. Aneetuutu eneerotuuwa muchipululuni, mihinje ddineereweeta mu ellapo yawumma.

Yesaya 55:1

Apwiya enallota wi, “Nyu attheene oovolliwa nthona, waani, maaddi aakhallawo. Nyu oohikhalla ni makobiri, waani mukulle yoocha wi muche. Waawoni mumukulle vinyo ni mukaka, oohillivella makobiri, oohillivella erive ello.