Yohane 7:37 - Mawu a Mulluku

³⁷ Va nllapo noomallihella navettho nuullupalli na ehakallallo Yesu ahiimella allota mookhuwa wi, “Muthu avolliwa nthona anaphwanella awe wa miyaano wi awirye.

Yohane 7:37 ပူးပေါင်းရင်းမြစ်များ

Yesaya 55:1

Apwiya enallota wi, “Nyu attheene oovolliwa nthona, waani, maaddi aakhallawo. Nyu oohikhalla ni makobiri, waani mukulle yoocha wi muche. Waawoni mumukulle vinyo ni mukaka, oohillivella makobiri, oohillivella erive ello.

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yohane 6:35

Yesu ahaalleella wi, “Mi tti buledi oovaha okumi; oyo anawa wa miyaano khavolliwattho ettalla nave oyo anakikhulupilila miyaano khavolliwattho nthona.

Yesaya 12:3

Muneerohakallalla vooyaani woorika maaddi o aneetuutu a ovullusa.”

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Yesaya 44:3

Kineerohella maaddi veellaponi yawumma, kineereweetiha mihinje muchipululuni. Kineerewaarumihella anaawo munepaaka, kineerokitthiha madaliswaaka va edduullu ddawo.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Masalimo 42:2

Murimaaka wookhalla ni nthona noomupaalla Mulluku, Mulluku mukumi. Ethiyo kinaaphiye niini vamiitthoni va Mulluku?

Masalimo 63:1

Nyu Mulluku, nyuwaano tti Mullukwaaka, kinnawaashaashani, murimaaka wookhalla ni nthona noopaalla owoonani, mwiillaaka onnuupaallani wonanko ellapo yawumma, yooguga ni yoohikhalla ni maaddi.

Masalimo 143:6

Kinnattaphurusella mattaaka wa nyuwaano, murimaaka onnavolliwa nthona nawuupaallani, mmo muneerella ellapo yawumma.

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

1 Akorinto 12:13

Emoddamoddave yeeyo, hiyaano attheene naari niri Ayuda apaalle athu nihiri Ayuda naari niri akaporo apaalle nihiri akaporo, noobatiziwa ni Munepa mmodda okhalla mwiilli mmodda nave noovahiwa Munepa mmoddamoddave yooyo.

Yohane 6:55

Vawi mwiillaaka tti yoocha yawoona nave nikhame naka tti yoowirya yawoona.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Numeri 29:35

“Va nllapo naneetthanu ni raru mukhalleke ni mutthukumano woopatuleya nave muhiphareke mutteko,

1 Akorinto 10:21

Khamuwora omuwiryella kapu a Apwiya navettho kapu a minepa ddoonanara. Khamuwora ochella va tebuloa Apwiya navettho va tebulo a minepa ddoonanara.

1 Akorinto 10:4

Nave attheene yaawirya yoowirya emoddamoddave yeeyo ya munepa. Yaawirya mu nlluku na munepa nno naathwara; nave nlluku nenno naari Khrisitu.

Yesaya 58:1

Apwiya enallota wi, “Khuwa wunchichi, ohihiyerere! Llipiha okhuwa wonanko nipallapata! Alleelle athwaaka dda olakwa wiwa ni a nibanja na Yakobo dda machimwiiwa.

Levitiko 23:36

Nllapo ni nllapo na mallapo matthanu ni meelli muvelleelleke mukutho wawoosiwa viikho wa Apwiya. Va nllapo naneetthanu ni raru mukhalleke ni mutthukumano woopatuleya ni ovelleellattho mukutho wawoosiwa viikho wa Apwiya. Yooyo tti mutthukumano muullupalli nave muhiphare mutteko.”

Aefeso 5:18

Muhilezeleke ni vinyo kaambiiwa olezela onneeriha ddeko ddoonanara koma muhoollelliwe ni Munepa Waweella.

1 Akorinto 11:25

Emoddamoddave yeeyo, emanlle omucha buledoolle yahaavaha kapu, ellota wi, “Kapu yoolla tti echizindikiro ya echipangano yanaanweene ya Mulluku, eyo yeeriwe oweella mu nikhame naka.” Erive enthawi mwaaweeraka yeella mweereke ddiiddo mookuupuwella miyaano.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Yohane 5:40

koma khamunapaalla owa wa miyaano wi mwaakhelle okumi.

Yohane 1:23

Yohane ahaakhulla voollotani mawu a namallotella Yesaya wi, “Mi tti okhuwa wa muthu mmodda muchipululuni, onallalleya wi, ‘Okollani musewu wa Apwiya.’ ”

Zekariya 9:15

Apwiya Amasiva Mattheene eneerowaakiha, alliwa eneerewaapambana ni waagonjiha adaniiwa vawaavokhani malluku, eneerowirya nikhame na adaniiwa nngu ekhuwaka wonanko emuvonille vinyo. Nikhamenno nineereweetellella wonanko na mukutho, nawiithellelliwa ni kapu va nikuwa.

Mika 6:9

Ngiiwani, mawu a Apwiya eniithana muzinda! Woova nnddina na Apwiya sika ezeru. Enuulleellani attheene ookhalla m'muzindanimmu.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Yesaya 40:6

Wahiiweya okhuwa wawi, “Llalleya othenga!” Kaakoha wi, “Killalleye tini?” Okhuwa wulle waari wi, “Ollalleye wi athu attheene tti wonanko manasi, oreera wiwa tti wonanko malluwa oohakani.

Nehemiya 8:18

Nave nllapo ni nllapo, waambeella nllapo nawaamba ophiyera nllapo nookomihera, Ezara aaneerenga ovenyera mu nibukhu na malamulo a Mulluku. Athu yaheera ehakallallo mallapo matthanu ni meelli nave va nllapo naneetthanu ni raru vaheereya mutetho woowallella mutthukumano moollikana ni nibukhu na malamulonne.

Levitiko 23:39

“Va nllapo na 15 na mweeri waneetthanu ni piilli, muhatille ddeko m'matani mwanyu, mwaariihe Apwiya wa mallapo matthanu ni meelli. Nllapo nawaamba nikhalle nllapo nuullupalli nawiithuuwa nave nllapo naneetthanu ni raru nikhallettho nllapo nuullupalli nawiithuuwa.

Yohane 7:28

Yesu ahuddihaka mu enyumba ya Mulluku, aallota mookhuwa wi, “Munnakidduwella miyaano nave munnadduwella nko kinavenyereemi. Ngiwiille mwa olamulello wa meekhaaka. Oyo aakirumalle tti awoona nave nyuwaano khamunamudduwella.

Yesaya 40:2

“Mullote mwawiithalla ni athu a o Yerusalemu, mwaalleelle wi enthawi ya ddoohoosa ddiwa yoomalla, machimwiiwa aakhululukiwa. Kohaallaka wunchichi ekaamba ya machimwiiwa.”

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Miyambo 8:3

Ennakhuwa vakhwipi ni millako dda muzinda, ni moovollowella athu wi,

Mateyu 3:3

Yohane tti oyo namallotella Yesaya amwaakeeye allotilleeye wi, “Okhuwa wa muthu mmodda muchipululuni onallalleya wi, ‘Llimani musewu wa Apwiya, okollani ettilla wi yeetemo.’ ”

Miyambo 9:3

Yohaaruma allupa muttekwiiwa aatthiyana wi yakhuweke m'mapuroni oowella m'muzindani wi,

Miyambo 8:1

Ethiyo ezeru kheniithana? Ethiyo wiiwesesa khonakhuwa?

Miyambo 1:20

Ezeru enniithana m'misewuni, ennakhuwa m'misikani.

Miyambo 8:17

Kinnaakonda ayo enakikonda, ookaashaasha ennakiphwanya.

Ezekiele 47:9

Nko onaaphiye muhinjooyo, erive yoophatusiwa eneerokhalla ni okumi nave ehomba ddineerewaata. Vawi maaddi yaalla enaya wenko wi yaddivihe maaddi makhwiiwa. Vano nko onaaphiye muhinjooyo, ddittheddene ddineerokhalla ni okumi.

Mateyu 5:6

Oodalisiwa tti ayo enavolliwa ettalla ni nthona noopaalla weera echilungamo, vawi Mulluku aneerewakwakhwanihella ddoopaalla ddiwa!

Yohane 4:11

Mutthiyanoolle aallota wi, “Nyu, yoorikella maaddi khamunna nave ehimeella tti yoowallamella, munaakuse wuuwi maaddi ookumi?