Yohane 7:35 - Mawu a Mulluku

³⁵ Attekweene a Ayuda yaakohana wi, “Anaaye wuuwi wi hiyaano nihimuphwanye. Apaalle anaaye o mizinda dda athu ayo ehiri Ayuda wi aahuddiheke yaayo, nko athwaahu epallalleyelliiwawo?

Yohane 7:35 ပူးပေါင်းရင်းမြစ်များ

Yakobo 1:1

Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.

1 Petro 1:1

Ovenyera wa miyaano Petro, murummwa a Yesu Khrisitu. Kinalembella wa athu ootthoolliwa a Mulluku ayo enakhalla wonanko athu oothawa owaniwa ayo epallalleyelle mu echigawo dda Ponto, Galatiya, Kapadokiya, Asiya* ni Bitiniya.

Zefaniya 3:10

Naari wuuteete, okhopella wa mihinje dda o Kushi, athu ookillapella, athwaaka oopallalleya, eneerovelleella mukutho wa miyaano.

Yesaya 11:12

Eneerewiimesella embendela mitundu ddittheddene dda athu nave eneerewaatthukumaniha oorimeella a o Israele ni oopallalleya a o Yuda ovenyera o makona matthanu mattheene a ellapo yavatthi.

Yohane 12:20

Agriki* amodda yaari nimodda ni ayo yawiille o Yerusalemu woomullapella Mulluku va Ehakallallo ya Paska.

2 Timoteo 1:11

Mulluku ookitthoolla miyaano okhalla murummwa, muhuddihi ni oollalleya othenga waphaama.

1 Timoteo 2:7

Ella sika ekaambiiwa katthoollelliweemi okhalla oollalleyaaye ni murummwa oowahuddiha athu ayo ehiri Ayuda mawu a echikhulupililo yawoona. Nginoottha, kinallota ddawoona.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

Mitteko 22:21

Apwiya yaallota wa miyaano wi, ‘Venya vawi kineerewuurumiha woorekama wa athu ayo ehiri Ayuda.’ ”

Mitteko 21:21

Yaanalleelliwa wi onnaahuddiha Ayuda attheene ayo enakhalla ellapo dda athu ayo ehiri Ayuda wi ehithwareke malamulo a Mose. Wahaalleellattho wi ehaaphaddeke aniiwa apaalle opwatha makhallello a Ayuda.

Mitteko 11:18

Yiiwalliiwa yeella, yaahiya omuhumullulla wulle nave yaamutitimiha Mulluku, ellota wi, “Vano Mulluku ohaavaha athu ayo ehiri Ayuda ekari yawi ehiye machimo nave ekhalle ni okumi woohimalla!”

Yohane 8:22

Vano attekweene a Ayuda* yaallota wi, “Anallota wi khaniwora oyaawo nko anayeeye. Apaalle anaaka addiiphe yeekhaaye?”

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”

Mateyu 12:21

Nave athu attheene a ellapo yavatthi enaamutiyereke olliye.”

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Masalimo 147:2

Apwiya ennamumakattho Yerusalemu, ennaatthukumaniha Aisraele oopallalleya.

Yesaya 56:8

Apwiya Mulluku ayo enaatthukumaniha Aisraele oopallalleya enallota wi, “Kineerewaatthukumaniha athu amodda woonjerera va ayo yatthukumanille khalle.”

Yohane 7:1

Ddimallille nndda Yesu aheetella mu Galileya. Khaapanlle weetella mu Yudeya kaambiiwa attekweene a Ayuda* yapaalla omwiipha.

Mitteko 11:20

Koma ookhulupilila amodda, ayo yaari oovenyera o Kupro ni o Kurene yaaya o Antiyokeya ellalleya othenga wa athu ayo ehiri Ayuda, yaalleella othenga waphaama wa Apwiya Yesu.

Mitteko 14:1

Ddeko ddeereye o Antiyokeya* ddaheereyattho o Ikonio. Paulo ni Baranaba yaavollowa mu enyumba yamavekello nave ellalleya wawi Ayuda anchichi owaakattho athu ayo ehiri Ayuda yaakhulupilila.

Mitteko 17:4

Amodda a athwaayo yaakopeya yaathwara Paulo ni Sila navettho mulloko muullupalli wa Agriki* ayo yamullapella Mulluku ni atthiyana oohoollella anchichi yahaathwara.

Mitteko 18:4

Nirive nllapo na Sabata aanakambirana ni Ayuda naarittho Agriki* mu enyumba ddamavekello* wi ekhulupilile.

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.