Yohane 7:31 - Mawu a Mulluku

³¹ Nave anchichi yaamukhulupilila ellota wi, “Ethiyo Mesiya ninamutiyerehooyo, aneereweera ddoottikhiniha ddinchichi omukhwaranya muthu yoolla?”

Yohane 7:31 ပူးပေါင်းရင်းမြစ်များ

Yohane 12:42

Vano attekweene a Ayuda* anchichi yaamukhulupilila Yesu. Koma ekaamba ya Afarisi khayooniha vaweella woova wi kheyaakhullelliwa ovollowa mu enyumba yamavekello.

Mateyu 12:23

Athu attheene yaattikhina ni ddaweera dda Yesu. Yaakohana wi, “Ethiyo yoolla ttuukhalla Edduullu ya Davide?”

Mitteko 8:13

Simoni nayeenettho aakhulupilila nave abatiziweeye, aamuthwara Filipooyo nave aattikhina oonilleeye ezizindikiro ni ddoottikhiniha dduullupalli ddeeriwannddo.

Yohane 11:45

Anchichi a Ayuda, ayo yawiille wa Mariya nave yoona eyo Yesu eerilleeye, yaakhulupilila mwa olliyooyo.

Yohane 9:16

Amodda a Afarisi yaallota wi, “Muthu amuchirihalloolla khe oovenyera wa Mulluku kaambiiwa khanathwara malamulo a nllapo na Sabata.” Koma amodda yaallota wi, “Muthu oochimwa ttuuwora mwawiidde weera ddoottikhiniha ddawi ddiidda?” Nave waari ovaanyihana mwa yaayo.

Yakobo 2:26

Sika vano, mwiilli woohikhalla ni munepa tti wookhwa, mwawi ddiiddattho echikhulupililo yoohikhalla ni mitteko tti yookhwa.

Yohane 12:11

Vawi ekaamba ya Lazaro Ayuda anchichi yaanaahiya alliwaayo enakhulupilila mwa Yesu.

Yohane 6:2

Nave mulloko wa athu muullupalli waamuthwara kaambiiwa yahoona ddoottikhiniha ddaye ddoowaachiriha oovoriiwa.

Yohane 4:39

Vano Asamariya anchichi mutawoni mulle yaakhulupilila mwa Yesu ekaamba ya omboni wa mutthiyana wawi, “Aakilleella miyaano ddeko ddittheddene kenreemi.”

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Yohane 2:11

Yesu aheera ddoottikhiniha ddawaambanndda o Kana o Galileya. Wenko ahuupullulla ntitimiho naye nave oohudderaaye yaamukhulupilila.

Luka 8:13

Mmiddo oyo wamorenlle va ethaya ya vamallukuni tti athu ayo enaakhella moohakallalla mawu a Mulluku koma khenna misisi dduullupalli. Vawi enakhulupilila enthawi yooyeva koma va enthawi ya weesiwa, ennahiya enthawi yeeyo.

Yohane 4:29

“Hankoni mwamoone muthu akilleelle ddittheddene kenreemi. Yoolla khahiyo Mesiya?”

Yohane 7:26

Ngamooneni annallota vawooneya koma attekweene khenallota ello wa olliyoolla. Apaalle alliwaalla ennadduwella wi yoolla tti Mesiya?*