Yohane 7:27 - Mawu a Mulluku

²⁷ Nave Mesiya awa, khaavo anaadduwelle nko anaavenyereeye. Koma attheene ninnadduwella nko muthu yoolla anavenyereeye.”

Yohane 7:27 ပူးပေါင်းရင်းမြစ်များ

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Yohane 9:29

Ninnadduwella wi Mulluku aallota ni Mose koma dda muthu yoolla khannadduwella anavenyereeye.”

Yohane 6:42

Yaallota wi, “Olliyoolla khahiyo Yesu, mwaana a Yosefe? Ninnaadduwella attiitthinnya ni amennya. Vano anallotella tini wi, ‘Kakitthalle ovenyera oddullu?’ ”

Yeremiya 30:21

Oolamulella anaakhalle mmodda a alliwa, oohoollella anaavenyera variyari viwa. Kineeromususihella vakhuviru ni miyaano, olliye aneerewaatamana ni miyaano. Ttaani anaallipe murima wi aatamane ni mi?

Mariko 6:3

Khe mwaana a ookhoma mataboolle? Amennya khe Mariya? Nave asinne khe Yakobo, Yosefe, Simoni ni Yudasi? Arokoraye khenakhalla vaavamva?” Sika yaamunyaambusa.

Luka 4:22

Athu attheene yaallota ddaphaama dda olliyooyo nave voottikhinani ni mawu oophara murima ayo aallotilleeye, yaallota wi, “Olla khe mwaana a Yosefe?”

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Mitteko 8:33

Aavevulliwa nave khaaweruziwe mwa echilungamo. Khaavo anaawore ollota dda edduullu ddaye kaambiiwa okumaaye va ellapo yavatthi waakusiwa mwa olliye.”

Yohane 7:15

Attekweene a Ayuda yaattikhina ellota wi, “Muthu yoolla, anadduwella mwawiidde ddeko ddinchichi ahinahuddere?”

Yesaya 53:8

Aaphariwa nave khaaweruziwe mwa echilungamo, khaavo apwathille. Okumaaye waakusiwa mwa olliye va ellapo yavatthi ekaamba ya machimo a athwaaka ahuukuthiwa.