Yohane 6:45 - Mawu a Mulluku

⁴⁵ Anamallotella yaalemba wi, ‘Arive muthu aneerohuddihiwa ni Mulluku.’ Muthu oyo iiwalle wa Attiitthaaka nave ahuddera wa alliwaayo, annawa wa miyaano.

Yohane 6:45 ပူးပေါင်းရင်းမြစ်များ

Yesaya 54:13

Anaawo attheene eneerohuddihiwa ni mi Apwiya, kineerewaadalisa ni waavaha murendelle munchichi.

Aheberi 10:16

“Yavira mallapo yaayo, kineerokeraatthiha echipangano ni alliwaayo, kineerewiiyaatthi malamulwaaka m'maganizoni mwiwa ni waalemba m'murimani mwiwa.

1 Atesalonika 4:9

Khonapaalleyattho wi nuulembelleni ddawaakonda akhwiinyu ookhulupilila. Nyuwaano nyookha moohuddihiwa ni Mulluku mmo munakondellaneenyu.

Mika 4:2

athu a mitundu ddinchichi eneeroowa, ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.”

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Yohane 6:65

Nave aallotattho wi, “Ekaamba ya yeella kahuulleellani wi khaavo muthu anaawore owa wa miyaano Attiitthaaka yaahimuvaha olamulello wawi awe.”

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

Yohane 10:27

Enkhosa ddaka ddinniiwa mawaaka, kinnaddidduwella nave ddinnakithwara miyaano.

Luka 18:31

Yesu ahaakusella oohuddera khumi ni eelli vakhwipi allota wi, “Ninaya o Yerusalemu nave ddittheddene ddalembiwe ni anamallotella dda mi, Mwaana a Muthu, ddineerokwakhwanihiwa wenko.

Luka 1:70

Wonanko mmo alonjezilleeye oweella mwa anamallotella aweella murima ayo yaariwo mallapo akhalle,

Mariko 1:2

Ollikana ni ddalembiwe ni namallotella Yesaya ddawi, “Mulluku aallota wi, ‘Kineeromurumiha amithengaaka vahoollo vanyu, wi allime musewu wa nyuwaano.’

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Mitteko 7:42

Sika Mulluku ahaahiya nave aavelleella omallapello a etheneeri ddooddullu, ollikana ni ddalembiwe mu nibukhu na namallotella wi, ‘Nyu athu a o Israele, ethiyo mwaavelleella mikutho ni emphaso miyakha 40 mwaariinyu muchipululuni mulle?

Mitteko 13:40

Vano chenjerani wi ddallotiwe ni anamallotella ddiheereye wa nyuwaano ddawi,

Afilipi 3:15

Hiyaano attheene oowaraalla m'munepani ninaphwanella okhalla ni maganizo amoddamoddave yaalla. Nave amoddanyu mwaarimi murina maganizo oohiyana, Mulluku aneerowuupullullellani yawoona.

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.