Yohane 6:39 - Mawu a Mulluku

³⁹ Opaalla wa oyo aakirumalle miyaano tti wawi kihimutathille arive muthu a ayo yaakivahilliiwa koma wi kaavahe okumi va nllapo noomallihella athu attheene ookhwa.

Yohane 6:39 ပူးပေါင်းရင်းမြစ်များ

Yohane 17:12

Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”

Yohane 18:9

Aallota ddenndda wi mawu aallotilleeye ekwakhwanelle awi, “Mwa ayo mwaakivahilleenyu khaavo mmodda akirimeellevo.”

Yohane 6:54

Ayo enacha mwiillaaka ni owirya nikhame naka aakhalla ni okumi woohimalla nave va nllapo noomallihella kineerewaavenyiha wa ookhwa.

Yohane 6:44

Khaavo muthu anawora owa wa miyaano, Attiitthaaka, ayo yakirumalle miyaano, yaahimuhoollella wa miyaano. Nave va nllapo noomallihella kineeromuvenyiha wa ookhwa.

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Aroma 8:11

Vawi Munepa a Mulluku, oyo waamuvenyihalle Yesu wa ookhwa, wakhalla mwa nyuwaano, vano yooyo aamuvenyihalle Khrisitu Yesu wa ookhwa avahattho miilli ddanyu ddookhwanndda okumi, munepaaye wakhalla mwa nyuwaano.

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Mateyu 18:14

Emoddamoddave yeeyo Attiitthaanyu ooddullu khenapaalla wi naari mmodda mwa ang'onong'onwaalla ahollowe.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Yohane 12:48

Oyo anakikhoota miyaano ahinaakhella mawaaka ookhalla ni oomweeruza. Mawu killonteemaalla eneerokhalla aweeruzaaye va nllapo noomallihella!

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Yohane 5:28

Muhittikhine ni ddenndda, enthawi enimawa yawi ookhwa attheene eneerewiiwa okhuwa waka.

1 Samuele 25:29

Athu yuuwukilani enawaashaashani wi ewiipheni, Apwiya Mulluku eneerewuuvitthani wonanko muthu anavitthelleeye eyuuma. Koma okumi wa adanaanyu eneerowutathilla wonanko muthu anavokhelleeye nlluku ni yoovokhella malluku.

Yeremiya 23:4

Kineeroddihiyera abusa ooddiwehera phaama nave kheddiwa ddoovattho apaalle woopopiheya apaalle ohollowa. Mi Apwiya koollota.”

Mateyu 10:15

Ddawoona, kinimuulleellani wi, va nllapo na echiweruzo, Mulluku aneeroweerella echifundo yinchichi athu a Sodomu ni Gomora, waakhwaranya athu a mu etawoni yeella.

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Yohane 17:9

“Mi kinnaavekella yaayo. Nginaavekella athu a ellapo yavatthi koma ayo mwaakivahilleenyu miyaano kaambiiwa eri aanyu.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

1 Akorinto 6:14

Mulluku ahaavenyiha wa ookhwa Apwiya, sika aneeronivenyiha hiyaano ni masivaaye.

Yakobo 5:15

Nivekello nenna naweeriwa mu echikhulupililo nineeromuchiriha oovoriiwooyo. Apwiya eneeromuvenyiha nave aari achimwalle, aneerokhululukelliwa.