Yohane 6:37 - Mawu a Mulluku

³⁷ Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Yohane 6:37 ပူးပေါင်းရင်းမြစ်များ

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Yohane 6:39

Opaalla wa oyo aakirumalle miyaano tti wawi kihimutathille arive muthu a ayo yaakivahilliiwa koma wi kaavahe okumi va nllapo noomallihella athu attheene ookhwa.

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Aheberi 4:15

Mullupa mukutho muullupallaahooyo anniiwesesa ofooka wahu vawi olliyettho aheesiwa wonanko hiyaano koma khaachimwalle.

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

1 Timoteo 1:16

Koma Mulluku aakeerella echifundo, miyaano oochimwa waakhwaranya athu attheene wi Khrisitu Yesu oonihe olleva waye ottheene okhalle echisanzo wa ayo enaamukhulupilile muhoollo wi yaakhelle okumi woohimalla.

Yesaya 42:3

Khawa inttaka epango yookhoromana, khawuthiimiha munllo woollova, aneerowaana echilungamo moororomelleya.

Yohane 6:65

Nave aallotattho wi, “Ekaamba ya yeella kahuulleellani wi khaavo muthu anaawore owa wa miyaano Attiitthaaka yaahimuvaha olamulello wawi awe.”

Yesaya 41:9

Kuukusalle ovenyera omamallihello wa ellapo yavatthi, kaawiithana ovenyera o makona awoorekama a ellapo. Kahuulleella wi, ‘We tti oorumiwaaka, kahuutthoolla ngaawukhootille.’

Aroma 5:20

Malamulo yaavelleelliwa wi athu edduwelle waata wa machimwiiwa koma machimo yaatilliiwa, echisomo ya Mulluku yahaanjerereya.

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

1 Yohane 2:19

Athu yaalla yavenyenre mwa hiyaano koma yaathawamo nave ella sika ekaambiiwa yavenyilliiwa variyari vahu; yaakhanlleke a eyaattanwaahu, yeerokhalla ni hiyaano. Nave yaavenyavo wi vidduwanyeye wi attheenaayo kheyaari a hiyaano.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Masalimo 110:3

Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Masalimo 102:17

Eneeropwatha nivekello na athwiiwa ootathilliwa, khevevulla ovekella wiwa.

Afilipi 1:29

Vawi moovahiwa ekari ohiri vookhulupililanive mwa olliye komattho ohoowa ekaamba ya olliye.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Yohane 9:34

Yaamwaakhulla wi, “We waari khalle oochimwa wayariweewe. Nave weyaano ttuunihuddiha hiyaano?” Vano kheyaamwaakhullenlle ovollowa mu enyumba yamavekello ovenyera nllapo nenno.