Yohane 6:26 - Mawu a Mulluku

²⁶ Yesu ahaakhulla wi, “Ddawoona, kinimuulleellani wi, munakaasha miyaano kaambiiwa mwaamucha buledi nave muvona, ohiri kaambiiwa mwahoona ddoottikhiniha ddaka.

Yohane 6:26 ပူးပေါင်းရင်းမြစ်များ

Afilipi 3:19

Yaalla eneeromallihella mu gehena kaambiiwa tti anrima nave mullukwiiwa tti erukullu ddiwa. Enakotella nnddo yaphwanenlliiwa wi ewulliwekena muru nave enaganiza dda ddeko dda va ellapo yavatthive.

Afilipi 2:21

Amoddaayo attheene enallipihella ddeko ddawaaddivella weekhiiwa ohiri ddeko dda Yesu Khrisitu.

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

1 Timoteo 6:5

ni okangana woohimalla variyari va athu oohikhalla ni ezeru apaalle yawoona. Alliwaayo eneesa wi omutitimiha Mulluku sika ettilla yoophwanyella eyuuma.

Aroma 16:18

Vawi athu yaayo khenamurumeyella Khrisitu, Apwiihu koma minkhella ddiwa. Ennaalleka athu ooreera murima voollotani mawu ooreeriha.

Yohane 6:2

Nave mulloko wa athu muullupalli waamuthwara kaambiiwa yahoona ddoottikhiniha ddaye ddoowaachiriha oovoriiwa.

Masalimo 78:37

Murimiiwa khewaari woororomelleya wa olliye, kheyaasungalle echipanganwaaye.

Yohane 6:24

Athwaalle yoonille wi Yesu khaavo ni oohudderaaye kheyiivo, yaawella ekallawanndde eya o Kaperenao woomwaasha Yesu.

Yohane 3:5

Yesu ahaakhulla wi, “Ddawoona, kinimuulleellani wi, khaavo muthu anaawore ovollowa mu omwene wa Mulluku aahiyariwa mwa maaddi ni Munepa Waweella.

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Yohane 6:64

Koma amodda a nyuwaano khamunakhulupilila.” Vawi Yesu ahaadduwella khalle vawaambeella vene ayo ehinamukhulupilila ni oyo anaamuvelleelle wi iiphiwe,

Yohane 6:53

Yesu aallota wa alliwaayo wi, “Ddawoona, kinimuulleellani wi, mwaahicha mwiilli wa miyaano Mwaana a Muthu ni owirya nikhame naka khamukhalla ni okumi woohimalla.

Yohane 6:47

Ddawoona, kinimuulleellani wi, yooyo anakhulupilila ookhalla ni okumi woohimalla.

Yohane 6:30

Sika yahaakhulla wi, “Muneere ddoottikhiniha ddawi tini wi noone ni wuukhulupililani? Muneere tini?

Yohane 6:15

Yesu aadduwella wi yapaalla owa wi empharelle omwene, sika aavenyavo aya omwaangoni yeekhaaye.

Yohane 6:14

Athu yoonilliiwa ddoottikhiniha Yesu eerilleeye, yaallota wi, “Ddawoona yoolla tti namallotella oyo anaawe mu ellapo yavatthi!”

Yohane 6:36

Vano kahuulleellani wi mookoona miyaano koma khamunakikhulupilila.